தமிழ் படத்தில் ஹீரோ அவதாரம் எடுக்கும் 'லெஜெண்ட் சரவணன்'! முன்னணி நடிகையுடன் ஜோடி போடுகிறார்!

சென்னையில் ஷாப்பிங் என்றதும், பலருக்கும் முதலில் நினைவுக்கு வருவது 'சரவணா ஸ்டார்' என்கிற கடையின் பெயர் தான். வசதி படைத்தவர்கள், நடுத்தர வாதிகள், ஏழ்மையானவர்கள் என எந்த வித்தியாசமும் இல்லாமல், அனைத்து பொருட்களும், சற்று விலை குறைவாகவே கிடைப்பது தான் இந்த கடையின் சிறப்பு.

இதுவரை வசந்தன் கோ, லலிதா நகை கடை உரிமையாளராகள், அவர்களுடைய கடை விளம்பத்தாரத்தில் அவர்களே நடித்திருந்தாலும், பேச மட்டுமே செய்தனர். அவர்களிடம் இருந்து தன்னை கொஞ்சம் வித்தியாசப்படுத்தி கொண்டு, ஆட்டம், பாட்டம், டான்ஸ், மேக்அப், என  என்ட்ரி கொடுத்தவர் லெஜண்ட் நியூ  சரவணா ஸ்டோர்ஸ் தலைவர் லெஜண்ட் சரவணன்.

நடிகைகள், மற்றும் நடிகர்களை வைத்து விளம்பரம் எடுப்பதற்கு பதிலாக, இவரே விளம்பரங்களின் ஹீரோவாக மாறினார். இதனால் தற்போது இவருக்கே மிக பெரிய ரசிகர்கள் கூட்டம் உருவாகிவிட்டது.

ஆரம்பத்தில் இவருடைய நடிப்பு, டான்ஸ் ஆகியவை கேலி செய்யப்பட்டாலும், அவருடைய விடா முயற்சியால் தற்போது அவர் நடிக்கும் விளம்பரங்கள் வாடிக்கையாளர்களுக்கு பழகிவிட்டது. அதுமட்டுமின்றி தமிழ் சினிமாவின் முன்னணி நடிகைகளுடன்  இணைந்து அவர் நடிப்பதால் விளம்பரங்கள் வாடிக்கையாளர்களை கவர்ந்தது.

ஏற்கனவே இவர் ஒரு படத்தில் நடிக்க உள்ளதாக வதந்தி பரவியது. பின் அந்த தகவல் உண்மையானது இல்லை என அறிவிக்கப்பட்டது. இதை தொடர்ந்து தற்போது, முன்னணி இயக்குனர் ஒருவர் இயக்க உள்ள திரைப்படத்தில், 'லெஜெண்ட் சரவணன் நடிக்க உள்ளதாக நம்பத்தகுந்த வட்டாரத்தில் இருந்து ஒரு செய்தி வெளியாகியுள்ளது. மேலும் இந்த படத்தில் முன்னணி நடிகை ஒருவர் இவருக்கு ஜோடியாக நடிக்க உள்ளதாகவும், விரைவில் இந்த படம் குறித்த தகவல் வெளியாக உள்ளதாகவும் கூறப்படுகிறது. ஒரு வழியாக இவரும் ஹீரோவாக மாறிவிட்டார்..