கருணாஸ் , ரித்தீஸ் மோதல் - பொதுக்குழுவில் சிக்கல்
சுருக்கம்
நடிகர் சங்க பொதுக்குழு கூட்டம் தொடர்பாக நேற்று நடந்த கூட்டத்தில் நடிகர் கருணாசும் , ரித்தீஷும் மோதிக்கொண்டதாக தகவல் வெளியாகி உள்ளது.
நடிகர் சங்கம் ராதாரவி , சரத்குமார் தலைமையில் இயங்கியது. அதற்கு தேர்தல் வந்த போது அதிமுக தரப்பு ராதாரவி , சரத்குமாரை கைவிட்டது. ரித்தீஸ் சார்பில் ஏராளமானோர் இறங்கி வேலை செய்தனர். மறுபுறம் கருணாஸ் , உதய நிதி ஸ்டாலினும் ஆதரவு தெரிவித்ததால் விஷால் அணி எளிதாக வென்றது.
அதன் பின்னரும் ராதாரவி , சரத் குமாருடன் மோதல் போக்கை கடைபிடித்த விஷால் அணி தொடர்ந்து பரபரப்பான செயல்பாட்டிலேயே ஈடுபட்டு வந்தது. மறுபுறம் தனக்கு பெரிதும் உதவிய ரித்தீஷை அலட்சியப்படுத்தியதால் அவர் ஓரம் ஒதுங்கினார்.
திமுகவுடன் அதிக நெருக்கம் காட்டுவதால் அதிமுக தலைமையும் விஷால் அணியை ஒதுக்கியது. நடிகர் சங்க செயல்பாட்டில் விஷால் ஏதேச்சதிகாரமாக இயங்குவதாக நிர்வாகிகள் மத்தியில் அதிருப்தி உள்ளது. குறிப்பாக ரித்தீஷ் நாசர் மத்தியில் இந்த எண்ணம் உள்ளது.
நாசர் எதுவும் எதிர்ப்பு காட்டாமல் அனுசரித்து போகிறார் என்று கூறப்படுகிறது. ஆனால் ரித்தீஷ் நேரடியாக எதிர்ப்பை காட்டதுவங்கியுள்ளார்.
இந்நிலையில் நேற்று நடந்த கூட்டத்தில் காரசாரமான விவாதம் எழுந்துள்ளது. இதில் ரித்தீஷும் , கருணாசும் நேரடியாக வாக்குவாதத்தில் ஈடுபட்டதாகவும் இதில் மற்றவர்கள் தலையிட்டு சமாதானப்படுத்தியதாகவும் கூறப்படுகிறது.
இதனால் இந்த பிரச்சனையும் இன்று பொதுக்குழுவில் எழுப்பப்படும் என தெரிகிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.