பிரபல கன்னட நடிகரின் மனைவியும், தயாரிப்பாளருமான பர்வதம்மா, 77 வயதான அவர் மூச்சி திணறல் மற்றும் சிறுநீரக கோளாறு காரணமாக பெங்களூரில் உள்ள பிரபல மருத்துவமனையில் அனுமதிக்கப்பட்டார்.
இவரை பரிசோதனை செய்த மருத்துவர்கள், இவரது உடல் நிலை தற்போது மிகவும் கவலைக்கிடமாக உள்ளதாக தெரிவித்துள்ளனர். மேலும் தற்போது இவரது உயிரை காக்க செயற்கை சுவாசம், மற்றும் டயாலிசிஸ் போன்ற சிகிச்சைகள் மேற்கொண்டு வருவதாகவும் கூறியுள்ளனர்.
ஏற்கனவே மார்பக புற்றுநோய் காரணமாக சிகிச்சை பெற்று வந்த இவருக்கு, புற்றுநோய் குணமடைந்தாலும் அதன் தாக்கத்தால் கணையம் மற்றும் நுரையீரல் பாதிப்பு ஏற்பட்டுள்ளதாக கூறப்படுகிறது. இதனால் இவருக்கு உயிர்க்காகும் சிகிச்சைகள் கொடுக்கப்பட்டாலும், கவலைக்கிடமாக உள்ளதாக தெரிவித்துள்ளனர்.
மேலும் இவரை, இவரது மகனும் கன்னடத்தில் முன்னணி நடிகருமான சிவராஜ் குமார், புனித்ராஜ் , மகள் நாகம்மா உள்ளிட்ட பலர் மருத்துவமனையில் இவரது உடல்நிலைக்குறித்து விசாரித்து வருகின்றனர்.