வாவ்.. சூர்யாவின் சொந்த குரல் டப்பிங்..வேற லெவல் மாஸ் பஞ்சில் வெளியான ET தெலுங்கு டீசர்..

சொந்த குரலில் முதல் முறையாக தெலுங்கு டப்பிங் கொடுத்துள்ளார் சூர்யா.. தற்போது எதற்கும் துணிந்தவன் தெலுங்கு டீசர் வெளியாகியுள்ளது..

தமிழ் திரையுலகில் வெற்றிகரமான இயக்குனராக வலம்வருபவர் பாண்டிராஜ். இவர் இயக்கத்தில் தற்போது உருவாகி வரும் படம் எதற்கும் துணிந்தவன். இப்படத்தில் நடிகர் சூர்யா (suriya) ஹீரோவாக நடித்துள்ளார். ஏற்கனவே பாண்டிராஜ் (Pandiraj) இயக்கிய பசங்க 2 படத்தில் நடித்த சூர்யா தற்போது இரண்டாவது முறையாக அவருடன் கூட்டணி அமைத்துள்ளார்.

இப்படத்தில் சூர்யாவுக்கு ஜோடியாக டாக்டர் பட நடிகை பிரியங்கா மோகன் (Priyanka Mohan) நடித்துள்ளார். மேலும் திவ்யா துரைசாமி, தேவதர்சினி, சத்யராஜ், சரண்யா பொன்வண்ணன், இளவரசு உள்ளிட்ட பலர் முக்கிய கதாபாத்திரத்தில் நடித்துள்ளனர். வினய் வில்லனாகவும், நடிகர் சூரி நகைச்சுவை வேடத்திலும் நடித்திருக்கின்றார். ரத்னவேலு ஒளிப்பதிவு செய்துள்ள இப்படத்துக்கு டி.இமான் (D Imman) இசையமைத்துள்ளார். 

தமிழில் தயாராகி உள்ள எதற்கும் துணிந்தவன் (Etharkkum Thunindhavan) படத்தை தெலுங்கு, இந்தி, மலையாளம், கன்னடம் ஆகிய மொழிகளிலும் டப்பிங் செய்து வெளியிட உள்ளனர். இப்படத்தின் படப்பிடிப்பு மற்றும் பின்னணி பணிகள் முடிந்து ரிலீசுக்கு தயாராக உள்ளது. அதன்படி இப்படம் வருகிற மார்ச் 10-ந் தேதி திரையரங்குகளில் ரிலீசாக உள்ளது. 

இந்நிலையில், எதற்கும் துணிந்தவன் (Etharkkum Thunindhavan) படத்தின் டீசர் ரிலீஸ் செய்யப்பட்டுள்ளது..அதில் நாயகன் சூர்யாவின் மாஸ் பைட் சீன்ஸ்..மற்றும் வில்லன் குறித்த காட்சிகள் இடம்பெற்றுள்ளது..மாஸ் பீஜியம் படம் குறித்த எதிர்பார்ப்பை அதிகரித்துள்ளது...தமிழில் வெளியாகி டீசர் ட்ரெண்டாகிய நிலையில் தற்போது  எதற்கும் துணிந்தவன் தெலுங்கு டீசர் வெளியாகியுள்ளது.. இதில் சி]சூர்யா தனது சொந்த குரலில் மாஸ் பஞ்ச் பேசியுள்ளார்...