Gamanam : ஆட்டோவில் தியேட்டருக்கு சர்ப்ரைஸ் விசிட் அடித்த சூப்பர்ஸ்டார் பட ஹீரோயின் - வைரலாகும் புகைப்படம்

சூப்பர்ஸ்டார் பட நடிகை ஆட்டோவில் வந்ததைப் பார்த்து ஆச்சர்யம் அடைந்த ரசிகர்கள், அவருக்கு திரையரங்கில் உற்சாக வரவேற்பு அளித்தனர்.   

தமிழ் திரையுலகின் முன்னணி நடிகையாக வலம் வந்த நடிகை ஸ்ரேயா (Shriya), சூப்பர் ஸ்டார் ரஜினிகாந்த், தனுஷ், விஜய், விக்ரம், உள்ளிட்ட பல முன்னணி நடிகர்களுக்கு ஜோடியாக நடித்தவர். பட வாய்ப்புகள் குறைய துவங்கியதும், மிகவும் ரகசியமாக தன்னுடைய காதலர் ஆண்ட்ரே என்கிற ரஷ்யாவை சேர்ந்த தொழிலதிபர் ஒருவரை பெற்றோர் சம்மதத்துடன், கடந்த 2018 ஆம் ஆண்டு திருமணம் செய்து கொண்டார்.

திருமணத்திற்கு பின்பும் தொடர்ந்து, திரைப்படங்கள் நடிப்பதில் கவனம் செலுத்தி வரும் ஸ்ரேயாவுக்கு கடந்தாண்டு பெண் குழந்தை பிறந்தது.  மேலும் இவரது கைவசம் தற்போது 4 தெலுங்கு திரைப்படம் மற்றும் ஒரு ஹிந்தி படம் உள்ளது. 

அந்த வகையில் ஸ்ரேயா நடிப்பில் தற்போது தெலுங்கில் வெளியாகி உள்ள படம் கமணம் (Gamanam). இப்படத்திற்கு இசைஞானி இளையராஜா இசையமைத்துள்ளார். இப்படம் இன்று திரையரங்குகளில் வெளியாகி உள்ளது. இப்படத்திற்கு ரசிகர்களிடையே நல்ல வரவேற்பு கிடைத்து வருகிறது.

இந்நிலையில், நடிகை ஸ்ரேயா (Shriya) படத்திற்கு ரசிகர்கள் கொடுக்கும் வரவேற்பை காண ஆட்டோவில் தியேட்டருக்கு சென்றுள்ளார். நடிகை ஸ்ரேயா ஆட்டோவில் வந்ததைப் பார்த்து ஆச்சர்யம் அடைந்த ரசிகர்கள், அவருக்கு உற்சாக வரவேற்பு அளித்தனர். நடிகை ஸ்ரேயா ஆட்டோவில் அமர்ந்தபடி இருக்கும் புகைப்படங்கள் வெளியாகி வைரலாகி வருகின்றன.