23 ஆண்டுகளுக்குப் பிறகு விஜயுடன் இணையும் ரேவதி? 'ஜனநாயகன்' பட அப்டேட்

எச் வினோத் இயக்கத்தில் விஜய் நடித்து வரும் ‘ஜனநாயகன்’ திரைப்படத்தில் நடிகை ரேவதி இணைந்திருப்பதாக தகவல் வெளியாகி உள்ளது.

‘ஜனநாயகன்’ விஜயின் கடைசி படம்

தமிழ் திரை உலகின் முன்னணி நடிகராக இருக்கும் நடிகர் விஜய் தனது கடைசி படமான ‘ஜனநாயகன்’ படத்தில் நடித்து வருகிறார். இந்தப் படத்திற்கு பின்னர் அவர் முழு நேர அரசியலில் ஈடுபட போகிறார். அடுத்த ஆண்டு தேர்தல் நடைபெற இருப்பதால் அவர் கட்சி மற்றும் தேர்தல் பணிகளில் முழு கவனம் செலுத்த இருக்கிறார். விஜயின் கடைசி படம் என்பதால் ‘ஜனநாயகன்’ படம் குறித்த எதிர்பார்த்து மக்கள் மத்தியில் எழுந்துள்ளது.

23 ஆண்டுகளுக்குப் பின் விஜயுடன் இணையும் ரேவதி

படப்பிடிப்பு பணிகள் தற்போது கொடைக்கானலில் விறுவிறுப்பாக நடைபெற்று வருகிறது. இந்த படத்தில் பூஜா ஹெக்டே, பிரியாமணி, பாபி தியோல், மமிதா பைஜூ போன்ற பலர் முக்கிய வேடங்களில் நடித்து வருகின்றனர். படத்திற்கு அனிருத் இசையமைத்துள்ளார். இந்த நிலையில் ‘ஜனநாயகன்’ படத்தில் நடிகை ரேவதி இணைந்திருப்பதாக தகவல் வெளியாகியுள்ளது. சுமார் 23 ஆண்டுகளுக்குப் பிறகு விஜய் படத்தில் ரேவதி இணைந்திருக்கிறார்.

ஜூன் 22 ‘ஜனநாயகன்’ டீசர் வெளியாகுமா?

நடிகை ரேவதி இதற்கு முன் 2002-ம் ஆண்டு வெளியான ‘தமிழன்’ திரைப்படத்தில் விஜய்க்கு சகோதரியாக நடித்திருந்தார். ‘ஜனநாயகன்’ திரைப்படத்தில் விஜய்க்கு அம்மா கதாபாத்திரத்தில் நடிப்பார் என எதிர்பார்க்கப்படுகிறது. இந்த படம் அடுத்த ஆண்டு பொங்கலை முன்னிட்டு ஜனவரி 9-ம் தேதி வெளியாகிறது. விஜயின் பிறந்தநாளான ஜூன் 22 டீசர் வெளியாகும் என எதிர்பார்க்கப்படுகிறது.