இது அந்த ஏரியாவாசிகளின் பல்லாண்டு காலப்பழக்கம்.மக்களின் அந்த நீண்டகால வழக்கத்துக்கு வேட்டு வைத்திருக்கிறார் நடிகர் பரோட்டா சூரி. யெஸ் இப்போது மீனாவின் வீட்டை விலைக்கு வாங்கிவிட்டாராம் சூரி. சுமார் 6.5 கோடி ரூபாய்க்கு வாங்கியிருக்கிறார். இனி வீட்டிலிருந்து மிக மிக அருகில் உள்ளதால் அலுவலகத்துக்கு சூரி நடந்துதான் செல்லமுடியும்.
மதுரையில் ஓட்டல்கள் திறந்து கோடம்பாக்கத்தில் பலரின் ஏக்கத்துக்கும் ஆளான காமெடி நடிகர் பரோட்டா சூரி, சென்னை சாலிகிராமத்தில் ஒரு ஏரியாவின் முக்கிய லேண்ட் மார்க்காக விளங்கிய நடிகை மீனாவின் பங்களா ஒன்றை விலைக்கு வாங்கியிருக்கிறார்.
நகைச்சுவை நடிகர் சூரியின் அலுவலகம் சாலிகிராமத்தில் நடிகை மீனாவின் விட்டுக்கு அருகில் உள்ளது.சூரியின் அலுவலக முகவரி சொல்ல வேண்டுமென்றாலோ அல்லது அப்பகுதியில் எந்த விலாசத்தைச் சொல்லவேண்டுமென்றாலும் நடிகை மீனாவின் வீட்டிலிருந்து இடதுபுறமாக, வலது புறமாக என்றே அட்ரஸ் சொல்லுவார்கள். இது அந்த ஏரியாவாசிகளின் பல்லாண்டு காலப்பழக்கம்.மக்களின் அந்த நீண்டகால வழக்கத்துக்கு வேட்டு வைத்திருக்கிறார் நடிகர் பரோட்டா சூரி. யெஸ் இப்போது மீனாவின் வீட்டை விலைக்கு வாங்கிவிட்டாராம் சூரி. சுமார் 6.5 கோடி ரூபாய்க்கு வாங்கியிருக்கிறார். இனி வீட்டிலிருந்து மிக மிக அருகில் உள்ளதால் அலுவலகத்துக்கு சூரி நடந்துதான் செல்லமுடியும்.
2009ல் வெளியான ‘வெண்ணிலா கபடிக் குழு’படத்துக்குப் பின்னர் சில ஆயிரங்களில் சம்பளம் வாங்கிக்கொண்டிருந்த சூரி, அடுத்தடுத்து லட்சங்களுக்கு மாறி பின்னர் நாள் ஒன்றுக்கு சில லட்சங்கள் சம்பளமாக வாங்க ஆரம்பித்தார். இடையில் சில தொய்வுகளைச் சந்தித்திருந்தாலும் எந்தவித பந்தாவுமின்றி சக சினிமாக்காரர்களுடன் பழகுபவர் என்பதால் அவருடைய மார்க்கெட் சரியவே இல்லை. சினிமா வருமானம் தவிர்த்து மதுரையில் அவர் நடத்தி வரும் ஹோட்டல்களிலும் பணம் கொட்டுவதால் சூரி காட்டில் அடைமழைதான்.