Job Vacancy: டிகிரி வேண்டாம், 10 ஆம் வகுப்பே போதும்! ரூ.57,000 சம்பளத்துடன் மத்திய அரசு பணி காத்திருக்கு.! Apply Now

மத்திய புலனாய்வுப் பிரிவில் (IB) 362 பல்நோக்கு பணியாளர் (MTS) காலிப்பணியிடங்கள் நிரப்பப்பட உள்ளன. 10ஆம் வகுப்பு தேர்ச்சி பெற்றவர்கள் இந்த அரசு நிரந்தர பணிக்கு விண்ணப்பிக்கலாம், தேர்ந்தெடுக்கப்படுபவர்களுக்கு ரூ.56,900 வரை சம்பளம் வழங்கப்படும்.

புலனாய்வுத்துறையில் வேலைவாய்ப்பு – 362 காலியிடங்களுக்கான அழைப்பு

மத்திய புலனாய்வுப் பிரிவில் (Intelligence Bureau) பல்நோக்கு பணியாளர் (Multi Tasking Staff – MTS) பதவிகளில் மொத்தம் 362 காலிப்பணியிடங்கள் அறிவிக்கப்பட்டுள்ளன. நாட்டின் பாதுகாப்புத் துறையின் முக்கிய பிரிவான புலனாய்வுத்துறையில் வேலை செய்வது பலரின் கனவாக இருக்கும். இந்தியாவின் உள் பாதுகாப்பை மேம்படுத்துவதிலும், ரகசியத் தகவல்களை சேகரிப்பதிலும் இத்துறையின் பங்கு மிகப் பெரியது. அந்த வகையில், இப்பணியிடங்கள் அரசு நிரந்தர பணியாகவுள்ளதால் இளைஞர்களுக்கு சிறந்த வாய்ப்பாகும்.

கல்வித்தகுதி

இந்த வேலைக்கு கல்வித்தகுதி 10ஆம் வகுப்பு போதுமானது. அதனால் பிளஸ் டூ அல்லது பட்டப் படிப்பு இல்லாதவர்களுக்கும் அரசு வேலை பெறும் வாய்ப்பு அதிகம். விண்ணப்பிக்க 18 முதல் 25 வயதுக்குள் இருக்க வேண்டும். வயதில் தளர்வு அரசு விதிமுறைகளின்படி ஒதுக்கீட்டு பிரிவுகளுக்கு வழங்கப்படும். தேர்வு நடைமுறை இரண்டு கட்ட எழுத்துத் தேர்வு என அறிவிக்கப்பட்டுள்ளது. முதற்கட்டத் தேர்வில் தகுதி பெற்றவர்கள் அடுத்த கட்டத்துக்கு அனுப்பப்படுவர். தேர்வில் பொதுத் திறன், பொதுவியல், கணிதம், அடிப்படை அறிவுக் கேள்விகள் இடம்பெறக்கூடும்.

அருமையான சம்பளம்

சம்பள அளவாக அதிகபட்சம் ரூ.56,900 வரை வழங்கப்படுவதாக தகவல் வெளியிடப்பட்டுள்ளது. பணிநிலைக்கு ஏற்ப இதனுடன் அலவன்ஸ்கள் சேர்த்து வழங்கப்படும். அரசு துறையின் சலுகைகள், பதவி உயர்வு வாய்ப்பு, பணிநிலைத்தன்மை போன்ற பல நன்மைகளும் கிடைக்கும்.

ஆர்வமுள்ளவர்கள் ஆன்லைனில் விண்ணப்பிக்கலாம். 

விண்ணப்பப் பதிவு மற்றும் அறிவிப்பை பார்க்க அதிகாரப்பூர்வ இணையதளம்: https://www.mha.gov.in/ . விண்ணப்பிக்க கடைசி நாள் 14.12.2025 என்பதால் நேரம் இருப்பிலேயே விண்ணப்பிக்க தவறாதீர்கள். அரசு புலனாய்வு துறையில் சேவை செய்ய விரும்பும் இளைஞர்களுக்கு இது ஒரு அருமையான வாய்ப்பு!