GATE 2023 exam result : கேட் 2023 தேர்வு முடிவுகள் வெளியீடு! எங்கு பார்ப்பது? எப்படி பார்ப்பது?
By Asianet Tamil | First Published Mar 17, 2023, 10:03 AM ISTGATE 2023 தேர்வு முடிவுகள் : பொறியியல் படிப்புகளுக்கான திறனாய்வுத் தேர்வு எனப்படும் கேட் (GATE) நுழைவுத் தேர்வு முடிவுகள் வெளியாகியுள்ளது. ஐஐடி கான்பூர்-ன் அதிகாரப்பூர்வ இணையதளம் தேர்வு முடிவுகளை வெளியிட்டுள்ளது.
பொறியியல் பட்டதாரி திறன் தேர்வு (GATE Exam)
ME., M.Tech., M.Arc., M.Plan உள்ளிட்ட பொறியியல் துறைக்கான மேற் படிப்புகளில் சேர்வதற்கு கேட் (Graduate Aptitude Test in Engineering) என்னும் உயர் கல்வி நுழைவுத் தேர்வு மத்திய அரசால் நடத்தப்படுகிறது. இந்த நுழைவுத் தேர்வுகளில் வெற்றி பெறுவதன் மூலம் IIT மற்றும் IISE போன்ற உயர் கல்வி நிறுவனங்களில் படிக்கலாம்.
கேட் தேர்வுகளை, இந்தியாவில் உள்ள ஐஐடி. நிறுவனங்களில் ஏதேனும் ஒன்று அல்லது ஐஐஎஸ்சி எனப்படும் பெங்களூரு இந்திய அறிவியல் நிறுவனம் நடத்தும். இந்த ஆண்டுக்கான கேட் தேர்வை ஐஐடி கான்பூர் நடத்தியது குறிப்பிடத்தக்கது.
வரும் 2023-24ம் கல்வி ஆண்டு மாணவர் சேர்க்கைக்கான கேட் தேர்வு, கடந்த பிப்ரவரி 4, 5, 11 மற்றும் 12 ஆகிய தேதிகளில் தேர்வுகள் நடைபெற்றது. கடந்த பிப்ரவரி 21-ம் தேதி தற்காலிக விடைகுறிப்புகளும் வெளியிடப்பட்டது.
கேட் 2023 தேர்வு முடிவுகள் வெளியீடு
இந்நிலையில் நடந்து முடிந்த கேட் (Gate) நுழைவு தேர்வுக்கான முடிவை ஐஐடி கான்பூர் இன்று வெளியிட்டது. https://gate.iitk.ac.in/ என்ற இணையத்தில் தேர்வு முடிவுகளை நேரடியாக அறிந்து கொள்ளலாம் என்றும் தெரிவிக்கப்பட்டுள்ளது.
- தேர்வு எழுதிய மாணவர்கள் GATE அதிகாரப்பூர்வ இணையத்தளத்திற்கு சென்று தேர்வு முடிவுகளை பார்க்கலாம்.
- https://gate.iitk.ac.in/ என்ற இணையத்தை கிளிக் செய்ய வேண்டும்.
- தேர்வர்கள், தங்களுக்கான பதிவு எண் உள்ளிட்ட முக்கிய உள்ளீடுகளை கொடுத்து முடிகளை பார்க்கலாம்.
- கேட் 2023 (Gate) நுழைவு தேர்வு முடிவுகள் இன்று வெளியாகிய நிலையில், மதிப்பெண் அட்டைகள் வரும் 21-ம் தேதி வழங்கப்படும் என்றும் ஐஐடி கான்பூர் தெரிவித்துள்ளது.
HRCE Recruitment 2023: இந்து சமய அறநிலையத்துறையில் 281 பேருக்கு வேலை! விண்ணப்பிக்க ரெடியா?
Latest Videos
இந்திய நாடாளுமன்றத்தில் வேலை.. மாதம் 1 லட்சம் வரை சம்பளத்தில் காத்திருக்கிறது மத்திய அரசு வேலை
சேனலை கிளிக் செய்து பின்தொடரவும்