மாதம் ரூ.37 ஆயிரம்! பாதுகாப்பு ஆராய்ச்சி நிறுவனத்தில் வேலைக்கு விண்ணப்பிக்கலாம்!

பாதுகாப்பு ஆராய்ச்சி மற்றும் மேம்பாட்டு நிறுவனம் (DRDO) JRF பணிக்குத் 9  காலிப் பணியிடங்களை நிரப்ப உள்ளது.

பாதுகாப்பு ஆராய்ச்சி மற்றும் மேம்பாட்டு நிறுவனம் (DRDO) JRF பணிக்குத் தகுதியானவர்களைத் தேர்வு செய்ய இருக்கிறது. இதற்கான அறிவிப்பில் 9 இடங்கள் காலியாக உள்ளன என்று கூறப்பட்டுள்ளது. தேர்ந்தெடுக்கப்பட்ட விண்ணப்பதாரர் மாதந்தோறும் ரூ.37000 மாதாந்திர உதவித்தொகையைப் பெறலாம். பட்டியலிடப்பட்ட விண்ணப்பதாரர்கள் எழுத்துத் தேர்வுக்கு அழைக்கப்படுவார்கள். அதைத் தொடர்ந்து நேர்காணலும் நடத்தப்படும்.

டிஆர்டிஓ வெளியிட்டுள்ள அதிகாரப்பூர்வ அறிவிப்பின்படி, தேர்வு செய்யப்படும் நபர் 2 வருட ஒப்பந்த அடிப்படையில் பணியில் நியமிக்கப்படுவார். இந்த ஒப்பந்தம் தேவைப்பட்டால் நீட்டிக்கப்படலாம். சம்பந்தப்பட்ட துறையில் பட்டதாரியாகவோ முதுகலை பட்டம் பெற்றவராகவோ இருக்க வேண்டும்.

மூன்று வெவ்வேறு விதமான பணியிடங்களில் தலா மூன்று காலிப் பணியிடங்கள் உள்ளன. அவற்றின் விவரம் கீழே கொடுக்கப்பட்டுள்ளது:

விண்ணபிப்பவரின் வயது 28 வயதுக்கு மிகாமல் இருக்க வேண்டும். ஆர்வமுள்ள விண்ணப்பதாரர்கள் 09.10.2023 முதல் 11.10.2023 வரை VRDE, PO; வாகனநகர், அகமதுநகர்-414 006 (மகாராஷ்டிரா) என்ற முகவரியில் நடைபெறும் நேர்காணலுக்கு வரலாம். நேர்காணல் தேதி அன்று காலை 10 மணிக்குள் விண்ணப்பதாரர்கள் தங்களின் பூர்த்தி செய்யப்பட்ட விண்ணப்பப் படிவத்தை முழு பயோடேட்டா மற்றும் அனைத்து ஆவணங்களின் நகல்களுடன் சமர்ப்பிக்க வேண்டும்.

விண்ணப்பதாரர்கள் NET / GATE ஆகிய போட்டித் தேர்வுகளில் போதி அளவு மதிப்பெண் பெற்றிருக்கவேண்டும் அல்லது பொறியியல் முதுகலை பட்டப்படிப்ப முடித்திருக்க வேண்டும்.

இந்த வேலைவாய்ப்பு குறித்த கூடுதல் விவரங்களை அறிந்துகொள்ள கீழே தரப்பட்டுள்ள அதிகாரபூர்வ அறிவிப்பைப் பார்க்கலாம்.