Job Alert: ரூ.67,500 சம்பளத்தில் மத்திய அரசு வேலை.! CDRI நிறுவனத்தில் கொட்டிக்கிடக்கும் வாய்ப்புகள்!

லக்னோவில் உள்ள மத்திய மருந்து ஆராய்ச்சி நிலையம் (CDRI), டெக்னிக்கல் அசிஸ்டென்ட் மற்றும் டெக்னீசியன்-1 பதவிகளில் 44 காலியிடங்களை நிரப்ப விண்ணப்பங்களை வரவேற்கிறது. தகுதியுள்ளவர்கள் டிசம்பர் 26, 2025-க்குள் விண்ணப்பிக்கலாம்

மத்திய மருந்து ஆராய்ச்சி நிலையத்தில் வேலைவாய்ப்பு

லக்னோவில் செயல்பட்டு வரும் மத்திய மருந்து ஆராய்ச்சி நிலையம் (CDRI), தகுதியுள்ள நபர்களிடமிருந்து தொழில்நுட்பப் பணியிடங்களுக்கான விண்ணப்பங்களை வரவேற்கிறது. இந்த அறிவிப்பின்படி, டெக்னிக்கல் அசிஸ்டென்ட் மற்றும் டெக்னீசியன்-1 ஆகிய பிரிவுகளில் மொத்தம் 44 காலியிடங்கள் நிரப்பப்பட உள்ளன. டெக்னிக்கல் அசிஸ்டென்ட் பணிக்கு 12 இடங்கள் ஒதுக்கப்பட்டுள்ளன (பொது-2, EWS-1, OBC-5, ST-2, மாற்றுத்திறனாளிகள்-2). இப்பணிக்குத் தேர்வாகும் நபர்களுக்கு மாதம் ரூ.67,530 வரை ஊதியம் வழங்கப்படும். விண்ணப்பதாரர்கள் 26.12.2025 அன்று 28 வயதிற்குள் இருக்க வேண்டும்.

அதேபோல், டெக்னீசியன்-1 பதவிக்கு 32 இடங்கள் காலியாக உள்ளன. இதில் பொதுப்பிரிவினருக்கு 9 இடங்களும், OBC பிரிவினருக்கு 12 இடங்களும், SC பிரிவினருக்கு 7 இடங்களும், இதர பிரிவினருக்கு மீதமுள்ள இடங்களும் ஒதுக்கப்பட்டுள்ளன. இதற்கான மாதச் சம்பளம் சுமார் ரூ.36,918 ஆகும். கல்வித்தகுதியாகப் பணியின் தன்மைக்கேற்ப சம்பந்தப்பட்ட துறையில் டிப்ளமோ, பி.எஸ்.சி அல்லது ஐ.டி.ஐ முடித்திருக்க வேண்டும். தகுதியுள்ள விண்ணப்பதாரர்கள் www.cdri.res.in என்ற இணையதளம் வாயிலாக வரும் டிசம்பர் 26, 2025-க்குள் விண்ணப்பிக்க வேண்டும்.

மறுபுறம், தமிழகத்தில் 4.18 லட்சம் பேர் எழுதிய டிஎன்பிஎஸ்சி குரூப் 2 மற்றும் 2ஏ முதல்நிலைத் தேர்வு முடிவுகள் தற்போது அதிகாரப்பூர்வமாக வெளியிடப்பட்டுள்ளன. தேர்வர்கள் தங்கள் முடிவுகளை டிஎன்பிஎஸ்சி இணையதளத்தில் சரிபார்த்துக்கொள்ளலாம். மத்திய மற்றும் மாநில அரசுப் பணிகளில் சேர விரும்புவோருக்கு இந்த வாரம் பல முக்கிய அறிவிப்புகள் வெளியாகியுள்ளன.