மக்களே ரெடியா? கல்லூரியில் குவிந்து கிடக்கும் வேலைவாய்ப்பு! பேராசிரியர் முதல் டிரைவர் வரை.. உடனே அப்ளை பண்ணுங்க!

Recruitment கல்லூரியில் பேராசிரியர் மற்றும் அலுவலகப் பணியாளர் வேலைவாய்ப்பு! தகுதி, சம்பளம் மற்றும் விண்ணப்பிக்கும் முறை குறித்த முழு விவரம் உள்ளே.

விருதுநகர் மாவட்டம், சிவகாசியில் அமைந்துள்ள புகழ்பெற்ற ஐயா நாடார் ஜானகி அம்மாள் கல்லூரியில் (Ayya Nadar Janaki Ammal College - ANJAC) காலியாக உள்ள பல்வேறு பணியிடங்களை நிரப்புவதற்கான அறிவிப்பு வெளியாகியுள்ளது. ஆசிரியர் மற்றும் ஆசிரியர் அல்லாத பணியிடங்களுக்குத் தகுதியானவர்களிடமிருந்து விண்ணப்பங்கள் வரவேற்கப்படுகின்றன.

உதவிப் பேராசிரியர் பணியிடங்கள்

இக்கல்லூரியில் சுயநிதிப் பிரிவில் (Self-finance scheme) ஆங்கிலம், இயற்பியல், விஸ்வல் கம்யூனிகேஷன் (Visual Communication) மற்றும் பொருளாதாரம் ஆகிய துறைகளில் உதவிப் பேராசிரியர்களை நியமிக்க உள்ளனர்.

• கல்வித் தகுதி: விண்ணப்பதாரர்கள் சம்பந்தப்பட்ட துறையில் முதுகலைப்பட்டம் (Master's Degree) பெற்றிருப்பதோடு, NET, SET, SLET அல்லது Ph.D முடித்திருக்க வேண்டும்.

சம்பள விவரம் (மாதம்)

உதவிப் பேராசிரியர் பணிக்குத் தகுதி மற்றும் அனுபவத்தின் அடிப்படையில் சம்பளம் நிர்ணயிக்கப்படும் என்று தெரிவிக்கப்பட்டுள்ளது. குறிப்பாக:

• Ph.D முடித்தவர்களுக்கு - ரூ.20,000

• NET தேர்ச்சி பெற்றவர்களுக்கு - ரூ.18,000

• SET தேர்ச்சி பெற்றவர்களுக்கு - ரூ.17,000

ஆசிரியர் அல்லாத பணியிடங்கள்

பேராசிரியர் பணியிடங்களைத் தவிர, நிர்வாகப் பணிகளுக்கும் ஆட்கள் தேர்வு செய்யப்படுகின்றனர்.

• பணிகள்: எழுத்தர் (Clerk), ஆய்வகத் தொழில்நுட்புநர் (Lab Technician), ஆய்வக உதவியாளர் (Lab Assistant).

• தகுதி: ஏதேனும் ஒரு பட்டப்படிப்புடன் (Any Degree), கணினி அறிவு மற்றும் Tally தெரிந்திருக்க வேண்டும்.

• பிற பணிகள்: அலுவலக உதவியாளர், Marker, ஓட்டுநர் (Driver) மற்றும் துப்புரவாளர் (Sweeper - ஆண்கள் மட்டும்) ஆகிய பணியிடங்களும் நிரப்பப்பட உள்ளன.

விண்ணப்பிப்பது எப்படி?

விருப்பமும் தகுதியும் உள்ள விண்ணப்பதாரர்கள் கல்லூரியின் அதிகாரப்பூர்வ இணையதளமான https://www.anjac.edu.in என்ற முகவரியில் கொடுக்கப்பட்டுள்ள விண்ணப்பப் படிவத்தைப் பூர்த்தி செய்து அனுப்ப வேண்டும்.

விண்ணப்பங்களை மின்னஞ்சல் (Email) மூலமாகவோ அல்லது தபால் மூலமாகவோ கல்லூரித் தாளாளருக்கு (Correspondent) உடனடியாக அனுப்பி வைக்குமாறு கேட்டுக் கொள்ளப்பட்டுள்ளது.