ITR ரீஃபண்ட் வந்து சேரலையா.? Tension வேண்டாம்.! சரி பண்ணலாம் ஈசியா.!

பல நேரங்களில், ஐடி ரிட்டர்ன் தாக்கல் செய்யும் போது வங்கி விவரங்களைத் தவறாக உள்ளிடுவதுண்டு. ஒரு இலக்கம் கூட மாறினால், பணத்தைத் திரும்பப் பெறுவதில் தாமதம் ஏற்படும்.

ஐடி ரிட்டர்ன் தாக்கல் செய்து நீண்ட நாட்களாகியும் பணம் திரும்பப் பெறப்படவில்லை என்றால் கவலைப்படுவது இயல்பு. பலருக்கு இந்த தாமதத்திற்கான காரணம் என்ன, எங்கு தவறு நடந்திருக்கும் என்பது தெரியாது. அதற்கான காரணங்கள் பல.

1. வங்கி விவரத் தவறு: பல நேரங்களில், ஐடி ரிட்டர்ன் தாக்கல் செய்யும் போது வங்கி விவரங்களைத் தவறாக உள்ளிடுவதுண்டு. ஒரு இலக்கம் கூட மாறினால், பணத்தைத் திரும்பப் பெறுவதில் தாமதம் ஏற்படும். எனவே, ஐடி ரிட்டர்ன் தாக்கல் செய்வதற்கு முன், வங்கி விவரங்களை இருமுறை சரிபார்க்கவும்.

2. விவரப் பொருத்தமின்மை: 26AS படிவத்தில் உங்கள் சம்பளத்தில் பிடித்தம் செய்யப்பட்ட TDS தொகை, உங்களால் செலுத்தப்பட்ட வரித் தொகை போன்ற விவரங்கள் இருக்கும். ஆனால், இதில் உள்ள விவரங்களுக்கும் உங்கள் ஐடி ரிட்டர்ன் படிவத்தில் உள்ள விவரங்களுக்கும் பொருத்தமில்லை என்றால், பணம் வருவதில் தாமதம் ஏற்படலாம்.

3. ஐடி ரிட்டர்ன் தாக்கல் செய்யும்போது விவரங்களைத் தவிர்த்தல்: சில நேரங்களில், ஐடி ரிட்டர்ன் படிவத்தை நிரப்பும்போது, ஏதேனும் ஒரு விவரத்தைச் சேர்க்க அல்லது ஆவணத்தை இணைக்க மறந்திருக்கலாம். சரிபார்ப்பு நிலையிலும் ஏதேனும் ஒரு படிநிலையைத் தவறவிட்டிருக்கலாம்.

4. சந்தேகத்திற்குரிய பரிவர்த்தனை: உங்கள் கணக்கில் சந்தேகத்திற்குரிய பெரிய தொகை பரிவர்த்தனை நடந்திருந்தால், அதைச் சரிபார்க்க நேரம் ஆகலாம்.

5. விரிவான சரிபார்ப்பு: சில ஐடிஆர் தாக்கல்களுக்கு விரிவான சரிபார்ப்பு தேவைப்படும். அத்தகைய சூழ்நிலைகளில், பணத்தைத் திரும்பப் பெறுவதில் தாமதம் ஏற்பட வாய்ப்புள்ளது.

நாம் என்ன செய்யலாம்?
1. வருமான வரித் துறையின் வரி இ-தாக்கல் இணையதளத்தில் உங்கள் ரிஃபண்ட் நிலையைச் சரிபார்க்கவும்.

2. வருமான வரி ரிஃபண்ட் படிவத்தின் சரிபார்ப்பு முடிந்ததா எனப் பார்க்கவும். இந்த சரிபார்ப்புக்குப் பிறகே, பணத்தைத் திரும்பப் பெறும் பணி தொடங்கும்.

3. 26AS படிவம் மற்றும் ஆண்டு தகவல் அறிக்கையை (AIS) கவனிக்கவும். இரண்டிலும் உள்ள தகவல்களில் ஏதேனும் வித்தியாசம் உள்ளதா எனச் சரிபார்க்கவும்.

4. உங்களிடம் விளக்கம் கேட்டு வருமான வரித் துறையிலிருந்து அறிவிப்பு வந்துள்ளதா எனப் பார்க்கவும். வந்திருந்தால், உடனடியாக பதில் அனுப்பவும்.

5. ஏதேனும் சிக்கல் இருந்தால், 1800-103-0025 என்ற எண்ணுக்கு அழைத்து ஆன்லைனில் புகார் அளிக்கலாம்.

விரைவாக பணத்தைத் திரும்பப் பெறுவது எப்படி?
- கடைசி நேரம் வரை காத்திருக்காமல், விரைவில் வருமான வரி ரிட்டர்னைத் தாக்கல் செய்யவும்.
- நீங்களே அல்லது சரியான வழிகாட்டுதலைப் பெற்று அல்லது நிபுணர்களிடமிருந்து சரியான முறையில் படிவத்தை நிரப்பவும்.
- ஐடிஆர் தாக்கல் செய்வதற்கு முன், உங்கள் பான் எண், ஆதார் எண், வங்கி விவரங்களை இருமுறை சரிபார்க்கவும்.