50 ஆயிரத்திற்கு மேல் பரிவர்த்தனையா ? வருகிறது புதிய வரி : மத்திய அரசு அதிரடி ...!

மத்தியில் ஆளும் பாஜக  அரசு,  ஆரம்பத்திலிருந்தே பணமில்லா பரிவர்த்தனையை  ஊக்குவிக்கிறது. இதன் தொடர்ச்சியாக தற்போது,  ரொக்க  பண  பரிவர்த்தனையை குறைக்கும்  பொருட்டு , ஒரு குறிப்பிட்ட  அளவுக்கு  மேல்  பண  பரிவர்த்தனை மேற்கொண்டால்  வரி  விதிக்க மத்திய  அரசு   முடிவு செய்துள்ளது.

டஜிட்டல்  பரிவர்த்தனை :

பிரதமர் மோடியின் டிஜிட்டல் இந்தியா திட்டத்தை  நடைமுறைக்கு  கொண்டுவர, அதாவது   பணமில்லாத  பொருளாதாரத்தை  மேம்படுத்த  ஆந்திர முதலமைச்சர் சந்திரபாபு   நாயுடு  தலைமையிலான  நிபுணர்  க குழு அமைக்கப்பட்டது.

ஆய்வு :

இந்த  குழு மேற்கொண்ட ஆய்வின் படி, 50  ஆயிரத்திற்கும் மேலான,  ரொக்க பரிவர்த்தனை மேற்கொண்டால் , ஒரு குறிப்பிட்ட தொகையை  வரியாய் விதிக்க திட்டமிடப்பட்டுள்ளது.

சலுகை :

ஆன்லைன் வழியாக மேற்கொள்ளும்,  பண பரிவர்த்தனைக்கு  சில சலுகைகள் வழங்கவும் , ஸ்மார்ட்ஃபோன் வாங்க விரும்புவோருக்கு, ரூ.ஆயிரம் வரை விலைச் சலுகை வழங்கவும்  பரிந்துரை  செய்யப்பட்டுள்ளது.

சந்திரபாபு  நாயுடு  பிரதமர்  சந்திப்பு :

ஆந்திர முதலமைச்சர் சந்திர பாபு  நாயுடு , குழு நிபுணர்களுடன் நேற்று  பிரதமரை  சந்தித்து , இதற்கான  திட்டத்தை  வெளிப்படுத்தினார். இதற்கான  அதிகார   பூர்வ  அறிவிப்பை  , மத்திய  நிதியமைச்சகம்  விரைவில்  வெளியிடும்  என எதிர்பார்க்கப்படுகிறது.

பாதிக்கும்  துறைகள் :

இதன்  விளைவாக , ரியல் எஸ்டேட், சிறு வணிகர்கள் மற்றும் தொழில் நிறுவனங்கள் கடும் பாதிப்பைச் சந்திக்க நேரிடும்  செய்திகள் வெளியாகி உள்ளது.