BMW Motorrad : விரைவில் டூரிங் மாடல்களை இந்தியா கொண்டு வரும் பி.எம்.டபிள்.யூ.

பி.எம்.டபிள்.யூ. மோட்டராட் நிறுவனம் விரைவில் இரண்டு டூரிங் மோட்டார்சைக்கிள்களை இந்தியாவில் அறிமுகம் செய்ய இருக்கிறது.

பி.எம்.டபிள்.யூ. மோட்டராட் நிறுவனம் K 1600 மற்றும் R 1250 RT டூரிங் மோட்டார்சைக்கிள் மாடல்களை இந்தியாவில் அறிமுகம் செய்ய இருக்கிறது. இதில் K 1600 சீரிசில்- பி.எம்.டபிள்.யூ. K 1600 GTL, K 1600 B மற்றும் K 1600 கிராண்ட் அமெரிக்கா போன்ற மாடல்கள் இடம்பெற்றுள்ளன. 

கடந்த ஆண்டு பி.எம்.டபிள்.யூ. K 1600 மாடல்கள் அப்டேட் செய்யப்பட்டு மேம்பட்ட என்ஜின், எலெக்டிரானிக்ஸ், அம்சங்கள் உள்ளிட்டவை வழங்கப்பட்டன. K 1600 GTL மாடலில் 160 ஹெச்.பி. வழங்கும் 1649சிசி, இன்லைன் 6 சிலிண்டர்கள் கொண்ட என்ஜின் வழங்கப்பட்டு இருக்கிறது. இ ந்த என்ஜின் 179 நியூட்டன் மீட்டர் டார்க் இழுவிசையை வெளிப்படுத்தும். இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. 

இந்த மாடலில் 10.25 இன்ச் கலர் TFT டிஸ்ப்ளே, ஃபுல் எல்.இ.டி. ஹெட்லைட், அடாப்டிவ் கார்னெரிங் லைட், மூன்று ரைட் மோட்கள், என்ஜின் பிரேக் கண்ட்ரோல் போன்ற அம்சங்கள் உள்ளன. இந்திய சந்தையில் பி.எம்.டபிள்.யூ. K 1600 சீரிஸ் விலை ரூ. 30 லட்சம் முதல் ரூ. 35 லட்சம் வரை நிர்ணயம் செய்யப்படலாம். 

பி.எம்.டபிள்.யூ. R 1250 RT மாடலில் 1254சிசி, பாக்சர் என்ஜின் வழங்கப்பட்டு இருக்கிறது. இந்த என்ஜின் 134 ஹெச்.பி. திறன், 143 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு டிரான்ஸ்மிஷன் வழங்கப்படுகிறது. அம்சங்களை பொருத்தவரை ஆல்-எல்.இ.டி. லைட்டிங், 10.25 இன்ச் இன்ஸ்ட்ரூமெண்ட் கிளஸ்டர், மூன்று ரைடு மோட்கள் உள்ளிட்டவை வழங்கப்பட்டுள்ளன.