பாகிஸ்தானின் மலிவு விலை மின்சார கார் ரேட் எவ்வளவு.? ஷாக் ஆயிடுவீங்க!

சீன நிறுவனமான இன்வெரெக்ஸ், பாகிஸ்தானில் இன்வெரெக்ஸ் சியோ EV என்ற மலிவு விலை மின்சார காரை அறிமுகப்படுத்தியுள்ளது

பாகிஸ்தானின் மலிவு விலை மின்சார காரின் விலை ₹35 லட்சம்! சீன நிறுவனமான இன்வெரெக்ஸ் இந்த வாரம் பாகிஸ்தானில் மலிவு விலை மின்சார காரான இன்வெரெக்ஸ் சியோ EV-ஐ அறிமுகப்படுத்தியுள்ளது. இதன் அடிப்படை வேரியண்ட் ₹35 லட்சம் விலையில் 140 கிமீ ரேஞ்ச் தருகிறது. இந்திய மின்சார ஸ்கூட்டர்களே இதை விட அதிக ரேஞ்ச் தருகின்றன.

பாகிஸ்தான் ரூபாய் மதிப்பு

பாகிஸ்தானில் ஆல்டோ போன்ற கார்களின் விலை ₹13 - ₹14 லட்சத்தில் தொடங்குகிறது. பாகிஸ்தான் ரூபாயின் மதிப்பு இந்திய ரூபாயை விட குறைவு என்பதே இதற்குக் காரணம். இன்வெரெக்ஸ் சியோ ஒரு சிறிய 4-கதவு மின்சார கார். மூன்று வேரியண்ட்களில் ₹35 லட்சம் முதல் ₹50 லட்சம் வரை விலையில் கிடைக்கிறது. சீனாவில் தயாரிக்கப்பட்ட இந்த கார் லிங்பாக்ஸ் EV என்றும் அழைக்கப்படுகிறது.

காரின் அம்சங்கள் என்ன?

சியோ 140, சியோ 220, சியோ 320 ஆகிய மூன்று வேரியண்ட்கள் 140 கிமீ, 220 கிமீ, 320 கிமீ ரேஞ்ச் தருகின்றன. DC ஃபாஸ்ட் சார்ஜிங் மூலம் அரை மணி நேரத்தில் 30% முதல் 80% வரை சார்ஜ் செய்யலாம். ரேடார் சிஸ்டம், ஸ்மார்ட் பாதுகாப்பு அம்சங்கள், ஒரு வருட இலவச காப்பீடு போன்றவற்றை இந்த கார் கொண்டுள்ளது.

3,584 மிமீ நீளம் மற்றும் 1,475 மிமீ அகலம் கொண்ட இந்த காரில் 10.1" சென்ட்ரல் டச் ஸ்கிரீன், ரிவர்ஸ் கேமரா, டயர் பிரஷர் மானிட்டரிங், மேனுவல் AC போன்ற அம்சங்கள் உள்ளன. ABS, EBD, டிரைவர்-சைட் ஏர்பேக் போன்ற பாதுகாப்பு அம்சங்களும் உள்ளன.