Dhanusu Rasi Palan Dec 27: தனுசு ராசி நேயர்களே, அர்த்தாஷ்டம சனியால் இன்று இந்த பிரச்சனைகள் வரலாம்.! கவனம்.!

Dec 27 Dhanusu Rasi Palan: டிசம்பர் 27, 2025 தேதி தனுசு ராசிக்கான பொதுவான பலன்கள், நிதி நிலைமை, தனிப்பட்ட வாழ்க்கை, பரிகாரம் குறித்து இந்த பதிவில் விரிவாகப் பார்க்கலாம். 

டிசம்பர் 27, 2025 தனுசு ராசிக்கான பலன்கள்:

தனுசு ராசி நேயர்களே, இன்றைய தினம் சூரிய பகவானின் வலுவான நிலை காரணமாக ஆளுமைத் திறன் மற்றும் தன்னம்பிக்கை அதிகரிக்கும். அர்த்தாஷ்டம சனி என்பதால் பணியிடத்தில் வேலைப்பளு அதிகரிக்கலாம். கடின உழைப்பை மட்டுமே நம்புங்கள். புதிய முடிவுகளை எடுக்கும் பொழுது அவசரம் காட்ட வேண்டாம்.

நிதி நிலைமை:

குருவின் பார்வை இருப்பதால் இன்று பணவரவு சீராக இருக்கும். நிலுவையிலிருந்த தொகைகள் வசூல் ஆகுவதற்கான வாய்ப்புகள் உள்ளது. ஆடம்பரச் செலவுகளை தவிர்ப்பது அவசியம். சுப நிகழ்ச்சிகளுக்காக சிறு தொகையை செலவிட நேரிடலாம். பங்குச் சந்தை அல்லது புதிய முதலீடுகள் எடுப்பதை இன்று தவிர்த்து விடுங்கள்.

தனிப்பட்ட வாழ்க்கை:

வாழ்க்கைத் துணையுடன் சிறு கருத்து வேறுபாடுகள் வந்து நீங்கும். விட்டுக்கொடுத்து செல்ல வேண்டியது அவசியம். முதுகு வலி, கண் தொடர்பான சிறு உபாதைகள் ஏற்படும் எனவே போதுமான ஓய்வு தேவை. நண்பர்கள் மற்றும் உறவினர்களிடம் பேசும் பொழுது வார்த்தைகளில் நிதானம் தேவை. தேவையற்ற வாக்குவாதங்களை தவிர்க்கவும்.

பரிகாரங்கள்:

இன்று மகாவிஷ்ணுவை வழிபடுவது அமைதியையும், காரியங்களில் வெற்றியையும் தரும். குருவின் அருளைப் பெற தட்சிணாமூர்த்தியை வழிபடுவது சிறப்பு. சனிக்கிழமை என்பதால் சனீஸ்வர பகவானுக்கு எள் தீபம் ஏற்றி வழிபடலாம். இயலாதவர்கள் அல்லது ஆதரவற்றவர்களுக்கு உங்களால் முடிந்த உதவிகளை செய்வது கர்ம வினைகளைக் குறைக்கும்.

முக்கிய குறிப்பு:

இந்த பலன்கள் பொதுவானவை. உங்கள் தனிப்பட்ட ஜாதகத்தைப் பொறுத்து பலன்களில் மாற்றங்கள் ஏற்படலாம்.