ஆடி அமாவாசை 2025: பித்ரு தோஷம் நீங்க உங்கள் ராசிக்கு ஏற்ப இந்த பொருட்களை தானம் செய்யுங்க

ஆடி அமாவாசை அன்று உங்கள் ராசிக்கு ஏற்ப சில பொருட்களை தானம் செய்வதன் மூலம் பித்ரு தோஷங்கள் நீங்கி, குடும்பத்தில் மகிழ்ச்சியும் சுபிக்‌ஷமும் பெருகும் என்பது ஐதீகம். இந்த ஆண்டு (2025) ஆடி அமாவாசை ஜூலை 24, வியாழக்கிழமை வருகிறது.

ராசிக்கு ஏற்ப ஆடி அமாவாசை தானங்கள்:

ராசிகள்	அதிபதி	தானம் செய்யவேண்டிய பொருட்கள்
மேஷம்	செவ்வாய்	இந்த ராசிக்காரர்கள் சிவப்பு நிற ஆடைகளை தானம் செய்வது நல்லது
ரிஷபம்	சுக்கிரன்	இவர்கள் வெள்ளை நிறப் பொருட்கள் அல்லது ஆடைகளை தானம் செய்வது மிகவும் நல்லது
மிதுனம்	புதன்	இந்த ராசிக்காரர்கள் பச்சை நிற ஆடைகளை தானம் செய்யலாம்
கடகம்	சந்திரன்	இந்த ராசிக்காரர்கள் ஆடி அமாவாசை அன்று தயிரை தானம் செய்யலாம்
சிம்மம்	சூரியன்	இந்த ராசியினர் சிவப்பு சந்தனத்தை தானம் செய்யலாம்
கன்னி	புதன்	இந்த ராசிக்காரர்கள் முழு உளுத்தம் பருப்பை தானம் செய்வது விசேஷம்
துலாம்	சுக்கிரன்	இவர்கள் வெள்ளை நிறப் பொருட்களை அல்லது சர்க்கரையை தானம் செய்யலாம்
விருச்சிகம்	செவ்வாய்	இந்த ராசியினர் சிவப்பு நிறப் பொருட்களையோ அல்லது செம்பையோ தானம் செய்யலாம்
தனுசு	குரு பகவான்	இந்த ராசிக்காரர்கள் மஞ்சளை தானம் செய்வது சிறந்தது
மகரம்	சனி பகவான்	இவர்கள் ஆடி அமாவாசை அன்று கடுகு எண்ணெயை தானம் செய்வது நல்லது
கும்பம்	சனி பகவான்	கடுகு எண்ணெயை அல்லது கருப்பு எள்ளை தானம் செய்யலாம்
மீனம்	குரு பகவான்	இவர்கள் மஞ்சள் நிறப் பொருட்களையோ அல்லது கொண்டைக்கடலையையோ தானம் செய்யலாம்

பொதுவாக ஆடி அமாவாசையில் செய்ய வேண்டியவை

• புனித நீராடல்: புனித நதிகள் அல்லது புண்ணிய தீர்த்தங்களில் நீராடுவது மிகவும் முக்கியம்.
• தர்ப்பணம்: மறைந்த முன்னோர்களுக்கு தர்ப்பணம் செய்வது, எள்ளும் தண்ணீரும் இறைப்பது மிகவும் அவசியம்.
• காக்கைக்கு உணவு: காகங்களுக்கு உணவு வைப்பது பித்ரு தோஷங்களை நீக்கும் என்பது நம்பிக்கை.
• ஏழைகளுக்கு தானம்: ஏழை எளியவர்களுக்கு உணவு, உடை, அல்லது உங்களால் முடிந்த அத்தியாவசியப் பொருட்களை தானம் செய்வது மிகவும் புண்ணியம்.
• பசு மாட்டிற்கு அகத்திக்கீரை: பசு மாட்டிற்கு அகத்திக்கீரை தானமாக கொடுப்பதும் நல்லது.

இந்த ஆடி அமாவாசை நாளில், உங்கள் முன்னோர்களை நினைத்து மேற்கண்ட தானங்களைச் செய்து, அவர்களின் ஆசிகளைப் பெற்று மகிழ்வுடன் வாழலாம்.