Robo Shankar : மகள் இந்திரஜாவின் திருமணத்திற்கு இவ்வளவு விலையுயர்ந்த காரை சீதனமாக கொடுத்தாரா ரோபோ ஷங்கர்?

நகைச்சுவை நடிகர் ரோபோ சங்கருக்கு இந்திரஜா என்கிற மகள் உள்ளார். இவரும் சினிமாவில் நகைச்சுவை கதாபாத்திரங்களில் நடித்திருக்கிறார். விஜய்யின் பிகில் படத்தில் பாண்டியம்மா என்கிற கதாபாத்திரத்தில் நடித்திருந்தார் இந்திரஜா. அந்த படத்தின் வெற்றிக்கு பின்னர் விருமன் திரைப்படத்தில் நடிகர் சூரிக்கு ஜோடியாக நடித்திருந்தார் இந்திரஜா. இதையடுத்து திருமண அறிவிப்பை வெளியிட்ட இந்திரஜா, தன்னுடைய தாய் மாமனான கார்த்திக் என்பவரை கரம்பிடிக்க உள்ளதாக அறிவித்தார்.

கார்த்திக் - இந்திரஜா ஜோடியின் திருமணம் கடந்த மார்ச் 24-ந் தேதி நடைபெற்றது. மதுரையில் கோலாகலமாக நடைபெற்ற இவர்களது திருமணத்தில் நடிகர்கள் விமல், சூரி, நடிகை அம்ரிதா ஐயர் உள்பட திரைப்பிரபலங்களும் கலந்துகொண்டு மணமக்களை வாழ்த்தினர். அதுமட்டுமின்றி விரைவில் சென்னையில் இந்திரஜாவின் திருமண வரவேற்பு நிகழ்ச்சியும் நடத்தப்பட உள்ளதாம். அதில் திரையுலகினர் படையெடுத்து வந்து கலந்துகொள்வார்கள் என எதிர்பார்க்கப்படுகிறது.

இதையும் படியுங்கள்... 6 வருடமாக உருவான ஆடுஜீவிதம் படத்துக்காக கம்மி சம்பளம் வாங்கிய அமலாபால்... அதுவும் இவ்வளவு தானா?

இதனிடையே நடிகர் ரோபோ சங்கர் தனது மகள் திருமணத்திற்கு சீதனமாக காஸ்ட்லி கார் ஒன்றை கொடுத்திருக்கிறாராம். திருமணம் முடிந்த கையோடு, இந்திரஜா - கார்த்திக் ஜோடி பேமிலியோடு கோவிலுக்கு சென்றுள்ளனர். அப்போது ரூப் டாப் கொண்ட காரில் நின்றபடி நடிகர் ரோபோ சங்கர் நடனமாடிய வீடியோ ஒன்று வெளியாகி வைரலானது. மேலும் அவர்கள் பயணித்த காரும் புத்தம் புதிதாக இருந்ததால் அது சீதனமாக கொடுத்த காராக தான் இருக்கும் என தெரிகிறது.

இதை உறுதிப்படுத்தும் விதமாக அந்த காரின் நம்பரை அலசி ஆராய்ந்ததில் அந்த கார் கடந்த மார்ச் 21-ந் தேதி தான் பதிவு செய்யப்பட்டு இருக்கிறது. மேலும் அது கார்த்திக் என்கிற பெயரில் இருப்பதால் ரோபோ சங்கர் தான் தன் மகள் திருமணத்திற்கு சீதனமாக கொடுத்திருக்கிறார் என கூறப்படுகிறது. இந்த கார் டாப் எண்ட் மாடல் என்பதால் இதன் விலை கிட்டத்தட்ட ரூ. 18 லட்சம் இருக்கும் என தகவல்கள் தெரிவிக்கின்றன.

இதையும் படியுங்கள்... Siddharth weds Aditi Rao Hydari : நடிகை அதிதி ராவை இரண்டாவது திருமணம் செய்துகொண்டார் நடிகர் சித்தார்த்