12 நாட்கள் பள்ளி மாணவர்களுக்கு விடுமுறை இல்லையாம்

அரசு ஊழியர்களின் கோரிக்கையை ஏற்று ஜனவரி 17ம் தேதி தமிழக அரசு விடுமுறை அறிவிக்கப்பட்டது. இதனால் அரசு ஊழியர்கள், பள்ளி மாணவர்களுக்கு 6 நாட்கள் விடுமுறை கிடைத்தது. 

ஜனவரி 17ம் தேதி வெள்ளிக்கிழமை தமிழக அரசு விடுமுறை அறிவிக்கப்பட்டதால் இந்த விடுமுறையை ஈடு செய்யும் விதமாக ஜனவரி 25ம் தேதி சனிக்கிழமை வேலை நாளாக அறிவிக்கப்பட்டது.

இந்நிலையில் பொங்கல் விடுமுறை அறிவிப்பால் மகிழ்ச்சியில் துள்ளி குதித்து வந்த மாணவர்களுக்கு அதிர்ச்சி செய்தி காத்திருக்கிறது. 

அதாவது  ஜனவரி 20 முதல் 31ம் தேதி வரை தொடர்ச்சியாக 12 நாட்கள் பள்ளிக்கு வேலை நாட்களாகும். 

பொங்கல் விடுமுறைக்கு பிறகு இன்று முதல் பள்ளிகள் இயங்கியது. ஜனவரி 17ம் தேதி விடுமுறையை ஈடு செய்யும் விதமாக ஜனவரி 25ம் தேதி சனிக்கிழமை அன்றும் பள்ளிகள் செயல்பட உள்ளன. 

அதனை தொடர்ந்து 26ம் தேதி ஞாயிறு அன்று குடியரசு தினம் என்பதால் மாணவர்கள் பள்ளிக்கு வர வேண்டியது காட்டாயமாகும். திங்கள் முதல் ஞாயிறு வரை தொடர்ந்து 7 வேலை நாட்களாக ஆகிவிடுகிறது. 

மேலும் அடுத்த திங்கள் முதல் வெள்ளிக்கிழமை வரை தொடர்ச்சியாக ஆசிரியர்கள், பள்ளி மாணவர்கள் பள்ளிக்கு வர வேண்டும். இதனால் தொடர்ச்சியாக 12 நாட்கள் பள்ளிகள் வேலை நாட்களாகும்.