தமிழகத்தில் மீண்டும் மழை எச்சரிக்கை

தமிழகத்தில் பருவமழை தீவிரம் அடைந்துள்ள நிலையில் பல மாவட்டங்களில் வரலாறு காணாத மழை கொட்டியுள்ளது. பல இடங்களில் வெள்ளம் ஏற்பட்டு வீடுகள் தண்ணீரில் மூழ்கியது
 

விழுப்புரம், கள்ளக்குறிச்சி, திருவண்ணாமலை மாவட்டங்கள் பாதிக்கப்பட்ட நிலையில் அடுத்த சுற்று மழையால் தென்காசி, நெல்லை, தூத்துக்குடி மாவட்டதை மழை புரட்டிப்போட்டுள்ளது.

டிசம்பர் மாதத்தில் தமிழகத்தை குறிவைத்து புயல் சின்னங்கள் அடுத்தடுத்து உருவாகி வருகிறது. தற்போது மீண்டும் குறைந்த காற்றழுத்த தாழ்வுப் பகுதி உருவாகிறது

வளிமண்டல சுழற்சி அடுத்த 24 மணி நேரத்தில் தென்கிழக்கு வங்கக்கடல் பகுதிகளில் குறைந்த காற்றழுத்த தாழ்வுப் பகுதி உருவாகும். அடுத்து ஆழ்ந்த காற்றழுத்த தாழ்வுப் பகுதியாக வலுப்பெறும்.
 

 வட மேற்கு திசையில் தமிழ்நாடு கடலோரப் பகுதிகளை நோக்கி நகரக் கூடும். டிசம்பர் 17 முதல் டிசம்பர் 20ஆம் தேதி தமிழகத்தில் 5ம் சுற்று  பருவ மழை தீவிரமடையும் - வானிலை ஆய்வாளர்

டிசம்பர் 17, 18 ஆகிய தேதிகளில் வட கடலோரம்,  டெல்டா மாவட்டங்களில் மழை தீவிரம் அடையும். பரவலாக கனமழையும், ஒரு சில இடங்களில் மிக கனமழையும் எதிர்பார்க்கலாம்.  -வானிலை ஆய்வாளர்