தினமும் ஒரு முட்டை சாப்பிட்டால் என்ன ஆகும்?

முட்டையில் ஊட்டச்சத்துக்கள் அதிகம், ஆனால் கலோரிகள் குறைவு. உயர்தர புரோட்டீன், அத்தியாவசிய அமினோ அமிலங்கள், வைட்டமின் பி12, வைட்டமின் டி, நல்ல கொழுப்புகள் என எல்லாமே இருக்கிறது.

ஒரு முட்டையில் சுமார் 6 கிராம் புரோட்டீன் உள்ளது. தசை வளர்ச்சிக்கும், பழுதுபார்ப்பதற்கும் தேவையான ஒன்பது அத்தியாவசிய அமினோ அமிலங்களும் இதில் அடங்கியுள்ளன.

ஆரோக்கியமானவர்கள் தினமும் 1 முதல் 2 முட்டைகள் வரை சாப்பிடுவது பாதுகாப்பானது என்று ஆய்வாளர்கள் கூறுகின்றனர். ஆனால், இது ஒவ்வொருவரின் உடல்நிலையைப் பொறுத்தது.

முட்டையின் மஞ்சள் கருவில் லுடீன், சியாக்ஸ்சாந்தின் போன்ற ஆன்டிஆக்ஸிடன்ட்கள் உள்ளன. இவை, கண் புரை மற்றும் வயது தொடர்பான பார்வை குறைபாடு ஏற்படும் அபாயத்தைக் குறைக்கின்றன.

முட்டை சாப்பிட்டால், வயிறு நிரம்பிய உணர்வு நீண்ட நேரம் இருக்கும். இதனால், நாள் முழுவதும் உட்கொள்ளும் மற்ற உணவுகளின் கலோரி அளவு குறைய வாய்ப்புள்ளது.

முட்டையை மிதமான அளவில் தொடர்ந்து சாப்பிடுவது, "நல்ல" HDL கொலஸ்ட்ராலை அதிகரிக்க உதவும். இது இதய நோய் மற்றும் பக்கவாதம் ஏற்படும் அபாயத்தைக் குறைக்கிறது.

முட்டையில் உயர்தர புரோட்டீன் மற்றும் கோலின் (Choline) போன்ற அத்தியாவசிய ஊட்டச்சத்துக்கள் நிறைந்துள்ளன. இதனால், இது கல்லீரலைப் பாதுகாக்க உதவுகிறது.