எண்ணெய் கறை

விடாப்பிடியான எண்ணெய் கறை படிந்த சமையல் பாத்திரங்களை கூட நொடியில் பளிச்சிட வைக்க பயனுள்ள குறிப்புகளை தெரிந்து கொள்ளுங்கள். 

எண்ணெய் கறை பாத்திரங்களில் உப்பு கலந்த வெதுவெதுப்பான நீரை ஊற்றி ஊறவிட்டு, ஒரு மணி நேரம் கழித்து கழுவுங்கள். அனைத்து எண்ணெய் பிசுக்கும் நீங்கும்.  

அரிசி வடித்த நீரில் எண்ணெய் பிசுக்குள்ள பாத்திரங்களை 30 நிமிடம் ஊற வைக்கவும். பின்னர் கழுவினால் எண்ணெய் கறை நீங்கும். 

எண்ணெய் கறை நீங்க வெஜிடபிள் ஆயில், எலுமிச்சை சாறு, உப்பு, சர்க்கரை கலந்து பாத்திரங்கள் மீது பூசுங்கள். சிறிது நேரம் கழித்து ஸ்க்ரப் செய்து வெந்நீரில் கழுவினால் போதும். 

பேக்கிங் சோடாவுடன், எலுமிச்சை சாறு கலந்தால், அது எண்ணெய் பிசுக்கை நீக்குவது மட்டுமல்லாமல் கிருமிகளையும் நீக்கி விடும். 

மர சாம்பலை பாத்திரங்களின் மீது தெளித்து, ஸ்கிரப் வைத்து நன்கு தேய்க்கவும். இதை வெந்நீரில் கழுவ பாத்திரம் பளிச்சென மின்னும். 

வினிகர், பேக்கிங் சோடா, சலவை சோப்பு ஆகியவை கலந்து அதை தேங்காய் நாரில் தொட்டு, பாத்திரங்களை தேய்த்து கொள்ளுங்கள். வெந்நீரில் கழுவினால் போதும். 

இனி சமையல் பாத்திரங்களை கழுவும்போது எலுமிச்சை, வினிகர், உப்பு போன்ற பொருள்களை எவ்வாறு பயன்படுத்த வேண்டும் என்பதை உங்கள் மனதில் வைத்துக் கொள்ளுங்கள்!