இந்த தீபாவளிக்கு ஃப்ரிட்ஜை ஈசியா சுத்தம் செய்ய சிம்பிள் டிப்ஸ்!

தீபாவளிக்கு வீட்டை சுத்தம் செய்வது வழக்கம். அப்படி இருக்கையில் ஃப்ரிட்ஜையும் சுலபமாக சுத்தம் செய்வது எப்படி?

பிரிட்ஜை சுத்தம் செய்வதற்கு முன் அதை முழுவதுமாக காலி செய்து விடுங்கள். பிரதான சுவிட்சை அணைத்து, பிளக்கை அகற்றுங்கள்.

உங்கள் பிரிட்ஜில் பிரிக்கக்கூடிய பகுதிகள் இருந்தால், அவற்றை வெளியே எடுக்கவும். பின் அவற்றை பாத்திரம் கழுவும் லிக்விட் கொண்டு சுத்தம் செய்து காய வைத்து, மீண்டும் வைக்கலாம்.

பிரிட்ஜின் உட்புறத்தை சுத்தம் செய்ய பேக்கிங் சோடா மற்றும் வினிகர் கரைசலை உருவாக்கி, ஒரு மென்மையான துணியில் நனைத்து பிரிட்ஜில் தடவி சுத்தம் செய்யவும்.

ஒரு கிண்ணம் வெதுவெதுப்பான நீரில் அரை டீஸ்பூன் பாத்திரம் கழுவும் லிக்விட், அரை டீஸ்பூன் வினிகர் சேர்த்து, இதன் மூலம் பிரிட்ஜை சுத்தம் செய்யவும்.

சிறிது நேரம் வெதுவெதுப்பான நீர் மற்றும் சோப் கரைசலில் ஊற வைக்கவும், பின்னர் சாதாரண ஸ்க்ரப்பரால் சுத்தம் செய்யவும்.

பிரிட்ஜின் பக்கவாட்டில் ரப்பர் இருக்கும், அதில் அழுக்கு சேரும். இதை சுத்தம் செய்ய நீங்கள் பழைய டூத் பிரஷ் பயன்படுத்தலாம்.

பேக்கிங் சோடாவில் எலுமிச்சை சாறு கலந்து, ஒரு ஸ்க்ரப்பரால் இந்தக் கலவையைத் தடவி, பின்னர் சாதாரண துணியால் துடைக்கவும். இப்படிச் செய்வதால் பிரிட்ஜில் இருந்து துர்நாற்றம் வராது.