வீட்டிலேயே கெட்டித் தயிர்: டெய்ரி ஃபார்ம் ரகசியம் இதோ!

ஹோட்டல்களிலும், டெய்ரி கடைகளிலும் பன்னீர் துண்டு போல கெட்டியான தயிர் கொடுப்பார்கள். அதை வீட்டிலேயே தயாரிக்க ஒரு எளிய ரகசியம் இருக்கிறது. அது என்னவென்று பார்க்கலாம்.

வழக்கம்போல பாலை நன்றாகக் காய்ச்ச வேண்டும். பால் காய்ந்ததும், அதில் சிறிதளவு பால் பவுடரைச் சேர்க்க வேண்டும். பால் பவுடர் சேர்த்த பிறகு, ஒரு பொங்கு வரும் வரை நன்கு கலக்க வேண்டும்.

இப்போது பால், கை பொறுக்கும் சூட்டிற்கு வந்த பிறகு, அதில் உறை ஊற்ற வேண்டும். மிகவும் சூடாகவோ அல்லது ஆறிய பிறகோ உறை ஊற்றக் கூடாது.

இந்த பாலை ஒரு மண்பானையில் ஊற்றி, மூடி வைத்துவிட வேண்டும். காலையில் எழுந்து பார்த்தால், ஹோட்டல் ஸ்டைலில் கல் போன்ற கெட்டித் தயிர் தயாராக இருக்கும்.