நீளமான அடர்ந்த கூந்தலுக்கு செலவே இல்லாத மேஜிக் வாட்டர்!

அடர்த்தியான மற்றும் பளபளப்பான கூந்தலுக்கு அரிசி நீர் ஒரு சிறந்த வரப்பிரசாதம். இந்த எளிமையான முறையை தலைமுடிக்கு எப்படிச் சரியாகப் பயன்படுத்துவது என்று பார்ப்போம்.

சாதம் வடிக்க அரிசியை கழுவும்போது கிடைக்கும் தண்ணீரை நாம் பெரும்பாலும் கீழே ஊற்றிவிடுவோம். ஆனால், அந்தத் தண்ணீர்தான் முடியை மென்மையாகவும், பளபளப்பாகவும் மாற்ற உதவுகிறது.

ஒரு கப் அரிசியை நன்றாகக் கழுவி, இரண்டு அல்லது மூன்று கப் தண்ணீரில் சிறிது நேரம் ஊற வைக்க வேண்டும். பின்னர் அந்த தண்ணீரை வடிகட்டி பயன்படுத்தலாம்.

தலைக்கு ஷாம்பு போட்டு நன்றாகக் குளிக்கவும். பிறகு, அரிசி தண்ணீரை தலைமுடி மற்றும் உச்சந்தலையில் தடவி சில நிமிடங்கள் அப்படியே விட வேண்டும். பின்னர் சாதாரண நீரில் கழுவ வேண்டும்.

அரிசி தண்ணீரை வாரத்திற்கு ஒரு முறை பயன்படுத்தினால் போதும். தினமும் பயன்படுத்த வேண்டிய அவசியம் இல்லை.

சில ஆய்வுகளின்படி, அரிசி தண்ணீர் முடியை ஆரோக்கியமாகவும், அடர்த்தியாகவும் வளரச் செய்வதில் சிறப்பாகச் செயல்படுவதாகக் கூறப்படுகிறது.

முதல்முறையாக அரிசி தண்ணீரைப் பயன்படுத்தும்போது, பேட்ச் டெஸ்ட் செய்வது அவசியம். அரிப்பு, எரிச்சல் அல்லது சிவத்தல் போன்ற அறிகுறிகள் தெரிந்தால் பயன்படுத்துவதை நிறுத்த வேண்டும்.