கேஸ் ஸ்டவ்

கேஸ் ஸ்டவ் பயன்படுத்தும்போது நாம தெரிஞ்சோ தெரியாமலோ சில தவறுகளை செய்றோம். அந்த தவறுகளை தவிர்த்தாலே ஸ்டவ் நீண்ட நாள் உழைக்கும். அது என்னென்ன தவறுகள்னு பார்க்கலாம் வாங்க.

கேஸ் ஸ்டவ்வை நல்ல காற்றோட்டமான இடத்தில் வைக்க வேண்டும். மூடிய அறையில் அல்லது காத்து உள்ளே வராத இடத்தில் வைத்தால், அது ஆபத்துகளை ஏற்படுத்த வாய்ப்புள்ளது.

சமையல் செய்யும்போது எண்ணெய், உணவுப் பொருட்கள் சிந்தி ஸ்டவ் மீது கறை படிவது சகஜம். ஸ்டவ் நல்லா வேலை செய்யணும்னா, அதை அடிக்கடி சுத்தம் செய்ய வேண்டியது ரொம்ப முக்கியம்.

கேஸ் ஸ்டவ்வை சுத்தம் செய்ய வீரியம் அதிகமான கெமிக்கல் கிளீனர்களைப் பயன்படுத்த வேண்டாம். இது ஸ்டவ்வின் பாகங்களை சேதப்படுத்தி, அதன் ஆயுளைக் குறைத்துவிடும்.

உங்க கேஸ் ஸ்டவ்வின் பர்னருக்குப் பொருத்தமான பாத்திரங்களை மட்டும் பயன்படுத்துங்கள். ரொம்ப சின்ன அல்லது ரொம்ப பெரிய பாத்திரங்களை வைத்தால், ஸ்டவ் சேதமடைய வாய்ப்புள்ளது.

குறிப்பாக, கிளாஸ் டாப் கேஸ் ஸ்டவ் பயன்படுத்துபவர்கள் கவனமாக இருக்க வேண்டும். அதிக எடை கொண்ட பாத்திரங்களை அதன் மீது வைப்பதை முற்றிலும் தவிர்க்க வேண்டும்.

வீட்டில் எலிகள் இருந்தால் கூடுதல் கவனம் தேவை. எலிகள் கேஸ் டியூப் போன்ற பாகங்களைக் கடித்து சேதப்படுத்த வாய்ப்புள்ளது. இது பெரிய விபத்துகளுக்கு வழிவகுக்கும்.

சமையலறையில் ஈரப்பதம் அதிகமாக இருந்தால், அதுவும் ஸ்டவ்வுக்கு நல்லதல்ல. ஈரப்பதம் காரணமாக கேஸ் ஸ்டவ்வின் இரும்பு பாகங்கள் துருப்பிடிக்க ஆரம்பித்துவிடும்.