4 விஷயங்களில் மனிதனுக்கு திருப்தியே வராதாம்

4 விஷயங்களில் மனிதனுக்கு திருப்தியே வராது என்கிறார் சாணக்கியர். சாணக்கிய நீதிப்படி அவை என்னென்ன விஷயங்கள்? என பார்ப்போம்.

சாணக்கியரின் கருத்துப்படி, பணத்தின் மீதான மனிதனின் பேராசை எளிதில் முடிவதில்லை. ஒருவரிடம் எவ்வளவு செல்வம் இருந்தாலும், மேலும் சம்பாதிக்க வேண்டும் என்ற ஆசை இருந்துகொண்டே இருக்கும்.

சாணக்கிய நீதியில், பெண் சுகமும் குறிப்பிடப்பட்டுள்ளது. உலகியல் இன்பங்களில் இதுவும் ஒன்று. சிலருக்கு இந்த இன்பத்தின் மீதான ஆசை எளிதில் முடிவடையாது என்று சாணக்கியர் கூறுகிறார்.

மரணம் என்பது வாழ்க்கையின் தவிர்க்க முடியாத ஒரு பகுதி என்பது அனைவருக்கும் தெரியும். ஆனாலும், இன்னும் அதிக காலம் வாழ வேண்டும் என்ற மனிதனின் ஆசை இறுதிவரை நீடிக்கிறது.

சுவையான உணவுகளை பார்த்தால் மனிதனுக்கு தன்னைக் கட்டுப்படுத்திக் கொள்வது கடினம். வயிறு நிரம்பியிருந்தாலும், பிடித்தமான உணவைப் பார்த்தால் மீண்டும் சாப்பிட வேண்டும் என்ற ஆசை வரலாம்.

இந்த நான்கு உதாரணங்கள் மூலம், மனித ஆசைகளுக்கு எல்லையே இல்லை என்ற பரந்த கருத்தை சாணக்கியர் முன்வைக்கிறார்.  மனிதனுக்கு ஆசைகள் உருவாகிக்கொண்டே இருக்கும் என்பதே இதன் சாராம்சம்.