வீட்டிலேயே வளர்க்கலாம்

இஞ்சி வேர்கள் பக்கவாட்டில் பரவும் என்பதால், ஆழமான தொட்டியை விட அகலமான தொட்டி அல்லது பிளாஸ்டிக் பைகளைத் தேர்ந்தெடுக்கவும். வடிகால் துளைகள் மிக அவசியம்.

இஞ்சிக்கு தண்ணீர் தேங்கக் கூடாது. கோகோ பீட், மண்புழு அல்லது தொழு உரம், செம்மண் மற்றும் மணலைச் சம அளவில் கலந்து வடிகால் வசதியுள்ள மண் கலவைத் தயாரிக்கவும்.

மண்ணில் எப்போதும் லேசான ஈரப்பதம் இருக்க வேண்டும். தண்ணீர் தேங்கக் கூடாது. மேல் மண் காய்ந்ததும் தண்ணீர் ஊற்றினால் போதும். மாதம் ஒருமுறை சிறிதளவு இயற்கை உரம் அல்லது சாம்பல் இடலாம்.

இஞ்சி நட்ட பின் காய்ந்த இலை அல்லது வைக்கோலால் மூடவும்; இது ஈரப்பதத்தைக் காக்கும். 8-10 மாதங்களில் இலைகள் மஞ்சளாகி காய்ந்ததும் அறுவடை செய்யலாம்.