மீன் குழம்புக்கு அடுத்தபடியாக அதிக சத்துக்கள் நிறைந்துள்ள ஒரு உணவு தான் இந்த சாம்பார். இது எப்படி ஆன்ட்டி கேன்சர் புராபர்ட்டியாக நம் உடலில் செயல்படுகிறது என்பதை பார்க்கலாம்.
சாம்பார் ரெகுலராக சாப்பிடும் நபருக்கும், சாம்பார் சாப்பிடாதவருக்கும், கேன்சர் பாதிப்பை நாம் ஒப்பிட்டு பார்த்தால், சாம்பார் சாப்பிடுபவருக்கு பாதிப்பு குறைவா என்றால் இல்லை.
ஆனால் சாம்பரில் நாம் பயன்படுத்தும் பொருட்கள் ஆன்ட்டி கேன்சர் புராபர்டீசாக செயல்படும் தன்மை கொண்டதாக பார்க்கப்படுகிறது.
மஞ்சள் ஒரு இயற்க்கை ஆட்டிபயாட்டிக் என கூறலாம். இதில் உள்ள குர்குமின் என்கிற மூலக்கூறுக்கு கேன்சரை எதிர்த்து போராடும் தன்மை உள்ளதாக சில ஆய்வுகளில் கூறி உள்ளனர்.
சீரகத்தில், தைமோல் என்கிற மூலக்கூறு உள்ளது. மிளகில் பிப்பரின் என்கிற மூலக்கூறு உள்ளது. இவை இரண்டிலும் சைட்டோ டாக்சின் உள்ளது. இது கேன்சருக்கு எதிரானது.
இதைத்தொடர்ந்து சாம்பாரில் நாம் பயன்படுத்தும் பூண்டு, இதில் ஆலிசின் மற்றும் சல்பர் காம்போனென்ட் அதிகமாக உள்ளது. இதுவும் கேன்சருக்கு எதிராக போராடும் தன்மை கொண்டது.
அதே போல் சாம்பாரில் நாம் பயன்படுத்தும் பருப்பு, காய்கறிகள் போன்றவற்றில் ஃபைபர் அதிகமாக உள்ளது. இதற்கும் ஆன்டி கேன்சர் பிராப்பர்டீஸ் இருக்கலாம்.
சாம்பாரில் சிறிது புளி தண்ணீர் ஊற்றுகிறோம். இதில் அதிக அளவில் ஆன்ட்டி ஆக்சிடென்ட் உள்ளது. இது பிரஸ்ட் கேன்சர் செல்களை அழிக்குமா? என முயற்சி செய்து பார்த்துக் கொண்டிருக்கின்றனர்.
சாம்பாருக்கு நேரடியாக கேன்சரை அழிக்கும் சக்தி இல்லை என்றாலும், இதில் இருக்கிற பொருட்கள் கேன்சருக்கு எதிராக போராடும் தன்மை கொண்டது என கூறுகிறார்கள்.