பொலிவான சருமத்திற்கு செம்பருத்தி ஃபேஸ் மாஸ்க்:

வீட்டிலேயே எளிதில் வளர்க்க கூடிய செம்பருத்தி உங்கள் சருமத்தை அழகாக மாற்றுவது மட்டுமல்லாமல் பல நன்மைகளையும் அளிக்கிறது.

வைட்டமின் சி மற்றும் ஆன்டிஆக்ஸிடன்ட்கள் நிறைந்த செம்பருத்தி ஹைப்பர் பிக்மென்டேஷன் பிரச்சனையையும் சரிசெய்து சருமத்திற்கு ஊட்டமளிக்கிறது.

இரண்டு செம்பருத்தி பூக்களை அரைத்து, அதில் ஒரு தேக்கரண்டி தயிர் சேர்த்து 15 நிமிடங்கள் முகத்தில் தடவவும். செம்பருத்தி கரும்புள்ளிகளைக் குறைக்கும், தயிர் pH அளவை சமநிலைப்படுத்தும்.

அரைத்த செம்பருத்தியை கற்றாழையுடன் கலந்து ஃபேஸ் மாஸ்க் தயாரிக்கலாம். செம்பருத்தி சருமத்திற்கு ஈரப்பதமளிக்கும், கற்றாழை சரும சிவப்பைக் குறைக்கும்.

குளிர்காலத்தில் சருமம் ஈரப்பதத்தை இழக்கும். செம்பருத்தி பொடியை தேனுடன் கலந்து சருமத்தில் தடவலாம். இது சருமத்திற்கு ஈரப்பதமளிக்கும்.

முதுமை தோற்றத்தைக் குறைக்க, சூரிய ஒளியால் ஏற்படும் சரும பாதிப்பைக் குறைக்க, முல்தானி மெட்டியில் செம்பருத்தி பொடி கலந்து முகத்தில் தடவலாம்.

வயதானதால் ஏற்படும் சுருக்கங்களைக் குறைக்க, செம்பருத்தி விழுதில் இரண்டு தேக்கரண்டி பால் சேர்த்து முகத்தில் தடவலாம். குளிர்காலத்தில் பொலிவான சருமம் கிடைக்கும்.