கேரட் வளர்ப்பு

வீட்டிலேயே குரோ பேக் பயன்படுத்திச் சுலபமாகக் கேரட் வளர்க்கலாம். குரோ பேக்கில் கேரட் செடியை நட்டு, அருமையான விளைச்சல் எடுப்பது எப்படி என்று பார்க்கலாம்!

கேரட் வேர்கள் ஆழமாகச் செல்லும் என்பதால் 12-15 இன்ச் ஆழமுள்ள குரோ பேக்கைத் தேர்ந்தெடுக்கவும்; அடியில் நீர் வடியப் போதுமான துளைகள் இருக்கட்டும்.

மண் கலவை தயாரிக்க, 40% தேங்காய் நார் கழிவு (cocopeat), 30% மாட்டுச் சாணம் அல்லது மண்புழு உரம், மற்றும் 30% மணல் அல்லது மேல்மண் ஆகியவற்றை ஒன்றாகக் கலக்கவும்.

கேரட் வளைவின்றி வளர மண்ணிலுள்ள கட்டிகளை நீக்கவும்; சிறிய விதைகளை மணலுடன் கலந்து தூவி, கால் இன்ச் அளவுக்கு மேல் லேசாக மண்ணால் மூடவும்.

விதைகள் அடித்துச் செல்லப்படாமல் இருக்கச் ஸ்பிரேயரால் தண்ணீர் தெளிக்கவும்; மண்ணில் ஈரப்பதம் இருக்கட்டும், 10-14 நாட்களில் விதைகள் முளைக்கத் தொடங்கும்!

செடிகள் 2 இன்ச் வளர்ந்ததும் ஆரோக்கியமற்றவற்றை அகற்றிவிட்டு, ஒவ்வொரு செடிக்கும் இடையில் 2 முதல் 3 இன்ச் இடைவெளி இருப்பதை உறுதி செய்யவும்.

தினமும் 5-6 மணி நேரம் சூரிய ஒளி படும் இடத்தில் குரோ பேக்கை வையுங்கள்; மண்ணில் லேசான ஈரப்பதம் இருக்கட்டும், ஆனால் தண்ணீர் தேங்கக் கூடாது.

சுமார் 70 முதல் 90 நாட்களில் கேரட்டின் மேல் பகுதி மண்ணுக்கு வெளியே தெரிய ஆரம்பிக்கும். அப்போது நீங்கள் அறுவடை செய்யலாம்.