கர்ப்பிணிகள் தவிர்க்க வேண்டிய உணவுகள்

கர்ப்ப காலத்தில் சில உணவுகளைத் தவிர்க்க வேண்டும். ஏனெனில், அவற்றில் சால்மோனெல்லா போன்ற தீங்கு விளைவிக்கும் பொருட்கள் இருக்கலாம். இவை குழந்தைக்குப் பாதிப்பை ஏற்படுத்தக்கூடும்.

பச்சையாக அல்லது அரைகுறையாக வேகவைத்த முட்டைகளில் சால்மோனெல்லா என்ற பாக்டீரியா இருக்கும். இது ஃபுட் பாய்சனுக்கு வழிவகுக்கும். 

பாஸ்டரைஸ் செய்யப்படாத பாலில் லிஸ்டீரியா போன்ற ஆபத்தான பாக்டீரியாக்கள் இருக்கலாம். இவை உங்களுக்கும், உங்கள் குழந்தைக்கும் உடல்நலப் பாதிப்பை ஏற்படுத்தும். 

பச்சையாக, அரைகுறையாக வேகவைத்த கடல் உணவுகள், உங்களை ஆபத்தான பாக்டீரியா, வைரஸ் மற்றும் நச்சுக்களுக்கு உள்ளாக்கும். இது தாய் மற்றும் சேய் இருவரின் ஆரோக்கியத்தையும் மோசமாகப் பாதிக்கும்

அன்னாசிப் பழத்தில் 'புரோமெலைன்' என்ற என்சைம் அதிகமாக உள்ளது. இது கருப்பைச் சுருக்கங்களைத் தூண்டி, பல சிக்கல்களுக்கு வழிவகுக்கும். 

பதப்படுத்தப்பட்ட இறைச்சி வகைகளில் சேர்க்கைகள் மற்றும் நைட்ரேட்டுகள் அதிகமாக இருக்கும். இவை கர்ப்ப காலத்தில் பல பிரச்சனைகளை உண்டாக்கும். 

காபியில் காஃபின் சத்து அதிகமாக உள்ளது. அதிகளவு காஃபின் எடுத்துக்கொண்டால், கருக்கலைப்பு ஏற்பட வாய்ப்புள்ளது. மேலும், குழந்தை குறைந்த எடையுடன் பிறக்கவும் வாய்ப்புள்ளது.

கர்ப்ப காலத்தில் மது அருந்தினால், குழந்தையின் வளர்ச்சி கடுமையாகப் பாதிக்கப்படும். இது ‘ஃபீட்டல் ஆல்கஹால் ஸ்பெக்ட்ரம் டிஸ்ஆர்டர்’ போன்ற குறைபாடுகளுக்கு வழிவகுக்கும்.

பப்பாளியில் 'பப்பேன்' என்ற என்சைம் உள்ளது. இது கருப்பைச் சுருக்கங்களைத் தூண்டி, கருக்கலைப்புக்கு வழிவகுக்கும். கர்ப்ப காலத்தில் பப்பாளிப் பழம் சாப்பிடாமல் இருப்பது நல்லது.