சமையலில் காரம் அதிகமானால் என்ன செய்வது? எளிய டிப்ஸ்!

சமைக்கும்போது சிறிய தவறுகள் சகஜம். தற்செயலாக சமையலில் காரம் அதிகமானால் இந்த குறிப்புகளை பின்பற்றுங்கள்.

சாம்பார் அல்லது கறி செய்யும்போது காரம் அதிகமானால் கொஞ்சம் தண்ணீர் சேர்த்து கொதிக்க வைத்தால் காரம் குறையும். வேர்க்கடலைப் பொடி சேர்த்தால் சரியாகிவிடும்.

புளிப்புப் பொருள்கள் காரத்தைக் குறைக்கும். வினிகர், எலுமிச்சை சாறு, புளி சேர்ப்பதன் மூலம் காரம் குறைந்து, சமையல் சுவை அதிகரிக்கும்.

காரத்தைக் குறைக்க சமைக்கும் அளவை அதிகரிக்கவும். உருளைக்கிழங்குகளைச் சேர்த்தால் காரம் குறையும்.

தேங்காய்ப்பால் அல்லது க்ரீம் சேர்ப்பதன் மூலம் காரம் குறையும். நல்ல சுவையைத் தருவதோடு காரத்தையும் குறைக்கும்.

சர்க்கரை அல்லது வெல்லம் போன்ற இனிப்புப் பொருள்கள் காரத்தைக் குறைக்கும். ஆனால் அதிக இனிப்பு சேர்க்கக்கூடாது.

முந்திரி, வால்நட் விழுது அல்லது வெண்ணெய் கூட காரத்தைக் குறைக்கும். பாதாம் அல்லது வேர்க்கடலை விழுதையும் பயன்படுத்தலாம்.