முட்டை ஒரு ஊட்டச்சத்து புதையல்!

முட்டையில் ஆரோக்கியமான கொழுப்புகள், கோலின், வைட்டமின் டி, செலினியம் போன்ற அத்தியாவசிய ஊட்டச்சத்துக்கள் நிறைந்துள்ளன.

மூளை வளர்ச்சி, நினைவாற்றல், அறிவாற்றல் செயல்பாடு ஆகியவற்றுக்கு கோலின் ஒரு முக்கியமான ஊட்டச்சத்து. இது முட்டையில் தாராளமாக உள்ளது.

முட்டையின் மஞ்சள் கருவில் இரும்புச்சத்து மற்றும் ஜிங்க் (துத்தநாகம்) அதிகமுள்ளது. இது ரத்த சோகை வராமல் தடுக்க உதவுகிறது.

முட்டையில் உள்ள ஊட்டச்சத்துக்கள் நோய் எதிர்ப்பு சக்தியை அதிகரிக்கின்றன. சில புற்றுநோய் செல்களின் வளர்ச்சியைத் தடுக்கவும், கிருமிகளை எதிர்த்துப் போராடவும் இது உதவுகிறது.

முட்டையின் மஞ்சள் கருவில் லூடின் மற்றும் சியாக்ஸாந்தின் உள்ளன. இந்த ஆன்டிஆக்ஸிடன்ட்கள், மாகுலர் சிதைவு மற்றும் கண்புரை ஏற்படும் அபாயத்தைக் குறைக்கின்றன.

முட்டை சாப்பிட்டால், அடிக்கடி பசி எடுப்பது கட்டுப்படும். இதனால், நாள் முழுவதும் உட்கொள்ளும் கலோரிகளின் அளவு குறைந்து, உடல் எடை சீராகும்.

தினமும் ஒரு முட்டை சாப்பிடுவது இதய ஆரோக்கியத்தை மேம்படுத்தும் என்று ஆய்வுகள் கூறுகின்றன.