மாதவிடாய் நேரத்தில் இந்த உணவுகளை சாப்பிட மறக்காதீங்க

சரியான உணவுகளை சாப்பிடுவது மாதவிடாய் கால அசௌகரியங்களைக் குறைக்க உதவும். அவை என்னென்ன என்று இங்கு காணலாம்.

போதுமான தண்ணீர் குடிப்பது நீரிழப்பால் ஏற்படும் தலைவலியைத் தடுத்து, உடலில் நீர் தேங்குவதையும், வயிறு உப்புசத்தையும் குறைக்கும்.

நீர்ச்சத்து அதிகம் உள்ள பழங்கள் மற்றும் காய்கறிகளை சேர்ப்பது மாதவிடாய் கால அசௌகரியங்களைக் குறைக்க உதவும்.

மாதவிடாய் காலத்தில் இரும்புச்சத்து அளவு குறைய வாய்ப்புள்ளது. இது இயல்பானது. இதைச் சமாளிக்க இரும்புச்சத்து நிறைந்த கீரைகளை உணவில் சேர்ப்பது சிறந்த வழி.

மாதவிடாய் காலத்தில் இஞ்சி டீ குடிப்பது குமட்டல் அல்லது பிற பிரச்சனைகளை போக்க உதவும். ஆனால் அதிகமாக உட்கொள்வது வயிற்று வலி மற்றும் நெஞ்செரிச்சலை ஏற்படுத்தும்.

டார்க் சாக்லேட்டில் இரும்பு மற்றும் மெக்னீசியம் நிறைந்துள்ளது. மெக்னீசியம் மாதவிடாய்க்கு முந்தைய நோய்க்குறி (PMS) அறிகுறிகளைக் குறைக்க உதவும்.

மாதவிடாய் காலத்தில் ஒமேகா-3 கொழுப்பு அமிலங்களை உட்கொள்வது அவசியம். எண்ணெய் மீன் சாப்பிடுவது மாதவிடாய் வலியைக் குறைக்க உதவும் என ஒரு சிறிய ஆய்வு கூறுகிறது.