வாய் துர்நாற்றத்தை போக்க வீட்டில் செய்யக்கூடிய 6 எளிய வழிகள்

வாய் துர்நாற்றம் என்பது பலரையும் சங்கடப்படுத்தும் ஒரு பொதுவான பிரச்னை. இதை சரிசெய்ய வீட்டிலேயே செய்யக்கூடிய சில எளிய வழிகள் உள்ளன.

ஒரு கிளாஸ் வெதுவெதுப்பான நீரில் 1 டீஸ்பூன் பேக்கிங் சோடாவைக் கலக்கவும். இந்த நீரைக் கொண்டு 30 விநாடிகள் வாய் கொப்பளித்தால், துர்நாற்றத்தை உண்டாக்கும் பாக்டீரியாக்கள் அழிந்துவிடும்.

சாப்பிட்ட பிறகு, சிறிதளவு சீரகத்தை வாயில் போட்டு மென்று சாப்பிடலாம். இது வாய் துர்நாற்றத்திற்கு தற்காலிகமாக நல்ல தீர்வைக் கொடுக்கும்.

ஒரு கிளாஸ் வெதுவெதுப்பான நீரில் ஒரு டீஸ்பூன் உப்பைக் கலந்து வாய் கொப்பளிக்கலாம். உப்புக்கு இயற்கையாகவே பாக்டீரியாவை எதிர்க்கும் பண்புகள் உள்ளன.

புதினா, துளசி அல்லது பெருஞ்சீரகம் போன்ற மூலிகைகளை அவ்வப்போது மென்று சாப்பிடலாம். இவற்றில் உள்ள குளோரோபில் மற்றும் நறுமணம் வாய் துர்நாற்றத்தைப் போக்க உதவும்.

சர்க்கரை சேர்க்காத, குளிரூட்டப்பட்ட கிரீன் டீ அல்லது புதினா டீ குடிக்கலாம். இவற்றில் உள்ள கிருமி நாசினி பண்புகள், வாயில் உள்ள துர்நாற்றத்தை அகற்ற உதவுகின்றன.

டீ ட்ரீ ஆயில் வாய் துர்நாற்றத்தைப் போக்கி, வாய்க்குப் புத்துணர்ச்சி அளிக்கும். இதை வைத்துப் பல் துலக்கலாம் அல்லது சில துளிகளை வெதுவெதுப்பான நீரில் கலந்து வாய் கொப்பளிக்கலாம்.