குழந்தைகளுக்கு பால் மற்றும் வாழைப்பழம் தருவதால் கிடைக்கும் 7 நன்மைகள்!

பாலில் கால்சியம், வைட்டமின் D, புரதமும், வாழைப்பழத்தில் பொட்டாசியம், வைட்டமின் C, நார்ச்சத்தும் உள்ளன. இவை இரண்டும் சேரும்போது குழந்தைகளுக்குச் சமச்சீரான ஊட்டச்சத்து கிடைக்கிறது.

பாலில் உள்ள கால்சியமும், வாழைப்பழத்தில் உள்ள பொட்டாசியம், மெக்னீசியமும் உடலின் தாதுக்களைச் சமநிலைப்படுத்தி எலும்புகளை மிக வலுவாகவும் ஆரோக்கியமாகவும் வளர்க்க உதவுகின்றன.

பாலில் உள்ள புரதம் குழந்தைகளின் தசை வளர்ச்சிக்கும் திசு புதுப்பித்தலுக்கும் உதவும். வாழைப்பழ பொட்டாசியம் தசைப்பிடிப்பை தடுத்து அவர்களை எப்போதும் சுறுசுறுப்பாக வைத்திருக்கும்.

வாழைப்பழத்தில் உள்ள இயற்கையான சர்க்கரையும், பாலில் உள்ள கார்போஹைட்ரேட்டும் குழந்தைகளுக்கு உடனடி ஆற்றலைத் தருகின்றன. குழந்தைகள் சோர்வடையாமல் இருக்க இது சிறந்த காலை உணவாக அமையும்.

வாழைப்பழத்தில் உள்ள நார்ச்சத்து குடல் ஆரோக்கியத்தை மேம்படுத்துகிறது. பாலுடன் சேர்த்து இதை எடுத்துக் கொள்ளும் போது செரிமானம் சீராகி, மலச்சிக்கல் பிரச்சனை தடுக்கப்படுகிறது.

பாலில் உள்ள பி-வைட்டமின்களும், வாழைப்பழத்தில் உள்ள வைட்டமின் B6-ம் குழந்தைகளின் மூளை வளர்ச்சி, நினைவாற்றல் மற்றும் கவனத்திறனை அதிகரிக்க உதவுகின்றன.

பாலில் உள்ள ட்ரிப்டோபான் மற்றும் மெக்னீசியம் உடலை ரிலாக்ஸ் செய்ய வைக்கும். வாழைப்பழத்தில் உள்ள சத்துக்களும் நரம்புகளை அமைதிப்படுத்துவதால், இரவில் நிம்மதியான தூக்கம் கிடைக்கும்.