நோய் எதிர்ப்பு சக்தியை அதிகரிக்கும் 7 உணவுகள்

நம் உடலின் நோய் எதிர்ப்பு சக்தியை வலுவாக வைத்திருக்க சில உணவுகள் பெரிதும் உதவுகின்றன. அப்படிப்பட்ட 7 முக்கிய உணவுகளைப் பற்றி தெரிந்துகொள்ளலாம்.

ஆரஞ்சு, எலுமிச்சை, திராட்சை போன்ற சிட்ரஸ் பழங்கள் நோய் எதிர்ப்பு சக்திக்கு மிகச் சிறந்தவை. இவை வெள்ளை இரத்த அணுக்களின் உற்பத்தியை அதிகரிக்கவும் உதவுகின்றன.

நெல்லிக்காயில் வைட்டமின் சி அதிகமாக உள்ளது. இது நோய் எதிர்ப்பு சக்தியை அதிகரித்து, சீசன் காலங்களில் வரும் தொற்றுகளைத் தடுக்க உதவுகிறது.

தயிர் சாப்பிடுவது நோய் எதிர்ப்பு சக்தியை அதிகரிக்க உதவுகிறது. தயிரில் உள்ள ப்ரோபயாடிக்ஸ் மற்றும் ஊட்டச்சத்துக்கள் குடல் நுண்ணுயிரிகளை சீராக்கி ஆரோக்கியத்தை மேம்படுத்துகின்றன.

கீரைகளில் பீட்டா கரோட்டின், இரும்புச்சத்து மற்றும் ஃபோலேட் ஆகியவை உள்ளன. இவை நோய் எதிர்ப்பு செல்களின் உற்பத்தியை ஆதரித்து, உடலை வலுவாக்குகின்றன.

பாதாமில் வைட்டமின் இ நிறைந்துள்ளது. இது ஒரு சக்திவாய்ந்த ஆன்டிஆக்ஸிடன்ட். இது நோய் எதிர்ப்பு செல்களை சேதத்திலிருந்து பாதுகாக்கிறது. பாதாமில் ஜிங்க் மெக்னீசியம் சத்துக்களும் உள்ளன.

மஞ்சளில் உள்ள 'குர்குமின்' என்ற சேர்மம், பாக்டீரியா மற்றும் வைரஸ்களுக்கு எதிராகப் போராடும் போது, நோய் எதிர்ப்பு செல்களை சமநிலைப்படுத்தவும், கட்டுப்படுத்தவும் உதவுகிறது.

இஞ்சியில் 'ஜிஞ்சரால்' போன்ற ஆற்றல்மிக்க சேர்மங்கள் உள்ளன. தினமும் இஞ்சி டீ அல்லது இஞ்சி கலந்த வெந்நீர் குடிப்பது உடலுக்கு மிகவும் நல்லது.