தாய் சேய் நலம் : கர்ப்ப காலத்தில் சாப்பிட வேண்டிய 6 சத்தான பழங்கள்

கர்ப்ப காலத்தில் தாய் உண்ணும் உணவே குழந்தையின் வளர்ச்சிக்கு அடிப்படை. தினமும் பழங்களைச் சாப்பிடுவது தாய்க்கும் சேய்க்கும் மிகுந்த ஆரோக்கியத்தையும், சுகப்பிரசவத்தையும் அளிக்கும்.

ஆரஞ்சில் சி-வைட்டமின், நீர்ச்சத்து அதிகம். இது நோய் எதிர்ப்பு சக்தியை கூட்டி, கர்ப்பகால நீர் இழப்பைத் தடுக்கும். இதிலுள்ள ஃபோலேட் குழந்தையின் மூளை வளர்ச்சிக்கு உதவும்.

ஆப்பிளில் உள்ள நார்ச்சத்து மலச்சிக்கலைத் தடுக்கிறது. இதிலுள்ள பொட்டாசியம் மற்றும் வைட்டமின் ஏ, தாயின் ஆரோக்கியத்திற்கும் குழந்தையின் வளர்ச்சிக்கும் மிகவும் நல்லது.

வாழைப்பழத்தில் உள்ள பொட்டாசியம் கர்ப்பகால கால் பிடிப்பைத் தடுக்கும். இது உடனடி ஆற்றல் தருவதுடன், காலைச் சோர்வு மற்றும் குமட்டலை (Morning Sickness) குறைக்க பெரிதும் உதவும்.

மாதுளையில் இரும்புச்சத்து, கால்சியம் அதிகம். இது கர்ப்பிணிகளுக்கு ரத்தசோகை வராமல் தடுக்கும். எலும்பு வலிமைக்கும், குழந்தையின் இதய ஆரோக்கியத்திற்கும் இது மிகச்சிறந்த பழமாகும்.

கொய்யாவில் வைட்டமின் C, E மற்றும் மெக்னீசியம் உள்ளன. இது செரிமானம், ரத்த அழுத்தத்தைச் சீராக்கி, நோய் எதிர்ப்பு சக்தியைத் தந்து தொற்றுநோய்களில் இருந்து பாதுகாக்கிறது.

தர்பூசணி உடலை குளிர்ச்சியாகவும் நீர்ச்சத்தோடும் வைக்கும். கர்ப்ப காலத்தில் ஏற்படும் கை, கால் வீக்கம் மற்றும் நெஞ்செரிச்சலை இது குறைக்கும். இதில் வைட்டமின் ஏ சத்தும் நிறைந்துள்ளது.