அதிக புரதம் ஆபத்தா? அளவுக்கு மீறிய புரோட்டீனால் ஏற்படும் பக்கவிளைவுகள்

சிறுநீரகங்கள் ரத்தத்தில் உள்ள கழிவுகளை நீக்கும். அதிக புரதம் சாப்பிட்டால் அவற்றுக்கு அதிக வேலைப்பளு ஏற்படும். இது நாளடைவில் சிறுநீரகக் கற்கள் மற்றும் பாதிப்புகளை உண்டாக்கும்.

அதிக புரதம் செரிக்க உடல் அதிக நீரை பயன்படுத்தும். இதனால் ஏற்படும் நீர்ச்சத்து குறைபாட்டைத் தவிர்க்க, புரத உணவுகளை உட்கொள்பவர்கள் போதிய அளவு தண்ணீர் குடிப்பது மிகவும் அவசியம்.

புரதம் எடையைக் குறைக்க உதவும் என்பார்கள். ஆனால் தேவைக்கு மேல் அதிக புரதம் உட்கொண்டால், அது உடலில் கொழுப்பாக மாறி சேர்ந்து உடல் எடையை அதிகரிக்கச் செய்யும்.

அதிக புரதம் கொண்ட உணவுகளில் நார்ச்சத்து குறைவாக இருப்பதால் மலச்சிக்கல், செரிமானக் கோளாறு மற்றும் வயிற்று உப்புசம் ஏற்படலாம்.

அதிக சிவப்பு இறைச்சி, கொழுப்புள்ள பால் பொருட்கள் சாப்பிடுவது கொலஸ்ட்ராலை உயர்த்தி இதய நோய் அபாயத்தை உண்டாக்கும். எனவே புரதத்திற்காக இவற்றை அதிகம் உண்பதைத் தவிர்ப்பது நல்லது.