Fasting: இடைப்பட்ட கால விரதம்: உடல்நலத்தை மேம்படுத்த எளிய வழிகள்

இடைப்பட்ட கால விரதம் (Intermittent Fasting): இடைப்பட்ட கால விரதம் என்பது வெறும் உணவு முறை மட்டுமல்ல, அது ஒரு ஆரோக்கியமான வாழ்வியல் மாற்றம்.

நீண்ட நேரம் உணவு உட்கொள்ளாமல் இருக்கும்போது, உடலில் தேங்கியுள்ள கொழுப்பை எரித்து சக்தியாக மாற்றுகிறது. இதனால் உடல் எடையும், தொப்பையும் இயற்கையாகவே குறைகின்றன.

இந்த விரத முறை இரத்தச் சர்க்கரையைக் குறைத்து, இன்சுலினைச் சீராக்குகிறது. இது டைப்-2 நீரிழிவு வராமல் தடுக்கவும், பாதிப்பு உள்ளவர்களுக்கு அதைக் கட்டுப்படுத்தவும் உதவுகிறது.

இரத்த அழுத்தம் மற்றும் கெட்ட கொழுப்பைக் (LDL) குறைப்பதன் மூலம் இதய நோய்கள் ஏற்படும் அபாயத்தை இது பெருமளவு குறைக்கிறது.

விரதத்தின் போது மூளையில் புதிய நரம்பு செல்கள் உருவாகத் தூண்டப்படுகின்றன. நினைவாற்றலை அதிகரிப்பதோடு, முதுமையில் ஏற்படும் மறதி நோய்களிலிருந்தும் (Alzheimer's) நம்மைப் பாதுகாக்கிறது.

நாள்பட்ட வீக்கமே நோய்களுக்குக் காரணம். இடைக்கால விரதம் ஆக்சிஜனேற்ற அழுத்தத்தைக் குறைத்து, செல்கள் தங்களைப் புதுப்பித்துக்கொள்ள (Autophagy) உதவுகிறது.

உடலில் உள்ள பழுதடைந்த செல்களை நீக்கி, புதிய செல்கள் உருவாக இந்த முறை உதவுகிறது. இந்த 'சுய சுத்திகரிப்பு' நிகழ்வு நீண்ட நாள் இளமையாகவும், சுறுசுறுப்பாகவும் வைத்திருக்க உதவுகிறது.

மற்ற டயட் முறைகளைப் போல இதற்கென பிரத்யேக உணவுகளைத் தேட வேண்டிய அவசியமில்லை. நீங்கள் உண்ணும் நேரத்தை மட்டும் முறைப்படுத்துவதன் மூலம் உங்கள் ஆரோக்கியத்தை எளிதாக மேம்படுத்த முடியும்.