அட்லீயை கலாய்த்த கீர்த்தி சுரேஷ்

தமிழில் நான்கு, பாலிவுட்டில் 1 என வரிசையாக ஐந்து பிளாக்பஸ்டர் ஹிட் படங்களை கொடுத்தவர் அட்லீ.

இயக்குனராக மட்டுமின்றி தயாரிப்பாளராகவும் உள்ள அட்லீ, தன் மனைவி பிரியா உடன் சேர்ந்து தயாரிப்பு நிறுவனம் ஒன்றை நடத்தி வருகிறார்.

பாலிவுட்டில் அட்லீ தயாரிப்பில் உருவாகி இருக்கும் பேபி ஜான் படத்தில் ஹீரோயினாக நடித்துள்ளார் கீர்த்தி சுரேஷ்.

பேபி ஜான் திரைப்படம் வருகிற டிசம்பர் 25-ந் தேதி கிறிஸ்துமஸ் விடுமுறையில் திரைக்கு வர உள்ளது.

பேபி ஜான் படம் மூலம் பாலிவுட்டில் அறிமுகமாகும் கீர்த்தி சுரேஷ், கல்யாணம் முடிந்த கையோடு அப்படத்தின் புரமோஷனில் பிசியாக உள்ளார்.

அட்லீயிடம் போட்டோ எடுக்குமாறு கீர்த்தி போனை கொடுக்க, அவரோ போட்டோ எடுப்பதற்கு பதில் வீடியோ எடுத்துள்ளார். அதைப்பார்த்த கீர்த்தி, என்னடா வீடியோ எடுத்து வச்சிருக்க என கலாய்த்துள்ளார்.