cinema
தமிழ் சினிமாவில் தனித்துவமான கதாபாத்திரங்களில் நடித்து பிரபலமானவர் நெப்போலியன்.
நடிப்பை தாண்டி அரசியலில் கால்பதித்து எம்.எல்.ஏ-வாக இருந்த நெப்போலியன், தன்னுடைய பிள்ளைகளுக்காக சினிமாவில் இருந்து மொத்தமாக விலகினார்.
தன்னுடைய மூத்த மகன் தனுஷின் மருத்துவ சிகிச்சைக்காக அமெரிக்காவிலேயே குடியேறிய நெப்போலியன் அங்கு விவசாயம் மற்றும் ஐடி கம்பெனி ஒன்றை நிர்வகித்து வருகிறார்.
இந்நிலையில் நெப்போலியன் மற்றும் ஜெயசுதா தம்பதியின் மூத்தமகனான தனுஷுக்கு நாளை (நவம்பர் 7) திருமணம் நடைபெற உள்ளது.
தனுஷ் - அக்ஷயா திருமணத்திற்கான ஏற்பாடுகள் ஜப்பானில் கடந்த ஒரு மாதமாக நடைபெற்று வந்த நிலையில், தற்போது ஏராளமான திரைபிரபலங்கள் அங்கு சென்றுள்ளனர்.
அதே போல் தனுஷ் - அக்ஷயாவின் ப்ரீ வெட்டிங் போட்டோ ஷூட் விதவிதமான உடைகள் அணிந்து எடுக்கப்பட்டு வருகிறது.
ஆங்கிலேயர்கள் ஸ்டைலில் தனுஷ் - அக்ஷயா இருவரும், எடுத்து கொண்ட புகைப்படங்களை தற்போது தனுஷ் தன்னுடைய இன்ஸ்டாகிராம் பக்கத்தில் வெளியிட்டுள்ளார்.
இவர்களின் போட்டோ ஷூட்டுக்கு ரசிகர்கள் மற்றும் நெட்டிசன்கள் தங்களின் வாழ்த்துக்களை தெரிவித்து வருகின்றனர்.