ஈரானை அடக்கி ஒடுக்கிவிட்டேன்...!! தலைகணத்தில் கொக்கரித்த ட்ரம்ப்...!! அவையில் அவமானப்படுத்திய பெண்...!!

ஈரான்  குறித்து பேசிய டிரம்ப் , ஈரான்  மரணத்தையும் அழிவையும் பரப்பி வருகிறது ,  வலுவான பொருளாதார தடையினால் ஈரானை ஒடுக்கியுள்ளேன் , ஆனாலும் தலைக்கணம் மற்றும் முட்டாள்தனத்தின் காரணமாக  தன்னிடம்  உதவி கேட்க ஈரான் மறுக்கிறது என தெரிவித்தார் .

சம்பவம் பரபரப்பை ஏற்படுத்தியுள்ளது .  ஏற்கனவே ட்ரம்ப் மீது அதிகாரத்தை துஷ்பிரயோகம் செய்ததாக எழுந்த குற்றச்சாட்டின் அடிப்படையில் அதிபர் பதவி நீக்க தீர்மானத்தின் மீதான விசாரணை செனட் சபையில்  நடைபெற்று வருகிறது . இந்நிலையில்  அவரது உரை நகலை சபாநாயகர் கிழித்தெறிந்துள்ளார்.   தலைநகர் வாஷிங்டனில் நடைபெற்ற யூனியன் கூட்டத்தில் மூன்றாவது முறையாக அதிபர் டொனால்ட் ட்ரம்ப் உரையாற்றினார் . 

அதில் பேசிய அவர்,   ஈரானையும் , ஈராக்கையும் வசப்படுத்தி வைத்திருந்த ஐஎஸ் காட்டுமிராண்டிகளை தான் துடைத்தெறிந்து விட்டதாக பெருமிதம் தெரிவித்தார் அத்துடன் அமெரிக்காவில் தற்போது வறுமை ஒழிந்து  குற்றங்கள் குறைந்து வேலைவாய்ப்பு திண்டாட்டம் ஒழிக்கப்பட்டுள்ளது என கூறினார் .  இந்நிலையில் ஈரான்  குறித்து பேசிய டிரம்ப் , ஈரான்  மரணத்தையும் அழிவையும் பரப்பி வருகிறது , வலுவான பொருளாதார தடையினால் ஈரானை ஒடுக்கியுள்ளேன் , ஆனாலும் தலைக்கணம் மற்றும் முட்டாள்தனத்தின் காரணமாக  தன்னிடம் உதவி கேட்க ஈரான் மறுக்கிறது என தெரிவித்தார் . 

அத்துடன் அணு ஆயுதங்களையும் ஈரான் உடனடியாக கைவிட வேண்டும் எனவும் அவர் எச்சரித்தார் .  அப்போது அவருக்குப் பின்னால் இருந்த பிரதிநிதிகள் சபையின் சபாநாயகர் நன்ஸி பெலோசி அதிபர் ட்ரம்பின்  உரை நகலைக் கிழித்து எறிந்தார் .  இதனால் அங்கு பரபரப்பு ஏற்பட்டது ,ஆனால் ட்ரம்ப் அதை ஒரு பொருட்டாகவே மதிக்கவில்லை ,  ஏற்கனவே இருக்கும் நான்சிக்கும் ட்ரம்புக்கும் இடையே  மோதல் இருந்து வரும் நிலையில் டிரம்புக்கு எதிராக அவர் கொண்டுவந்த பதவி நீக்க தீர்மானமும் தோல்வி அடையும் நிலையில் உள்ளதால் நான்சி இவ்வாறு நடந்து கொண்டதாக அமெரிக்க நாளிதழ்கள் செய்திகள் வெளியிட்டு வருகின்றன.