பி-1/பி-2 விசாவை திருமண கிரீன் கார்டாக மாற்றுவது எப்படி?

அமெரிக்காவில் வசிப்பதற்கு தற்காலிகமாக பி-1 அல்லது பி-2 விசா பெற்று, அமெரிக்க குடிமகன் அல்லது நிரந்தர குடிமகனாக மாறுவது எப்படி என்பதை இந்த செய்தியில் பார்க்கலாம். 

புதுடெல்லி: உறவினர்கள் அல்லது பணி நிமிர்த்தமாக செல்லும் இந்தியர்கள் பி-1 அல்லது பி-2 விசா பெற்று தற்காலிகமாக அமெரிக்காவில் வசிக்கிறார்கள். ஆனால் தற்காலிக பி-1 அல்லது பி-2 விசா காலாவதியான பிறகு என்ன நடக்கும்? பி-1 அல்லது பி-2 விசா-விலிருந்து திருமணத்தின் மூலம் கிடைக்கும் அமெரிக்க கிரீன் கார்டுக்கான வழியை இந்த கட்டுரை ஆராய்கிறது. பி-1 அல்லது பி-2 விசா பெற்று, அமெரிக்காவில் நிரந்தர குடியுரிமை பெறுவது எப்படி என்பதை பார்க்கலாம். 

பி-1 மற்றும் பி-2 விசாக்கள் என்றால் என்ன?
ஒவ்வொரு பி விசா வகையும் அதிகபட்சம் 10 ஆண்டுகள் வரை செல்லுபடியாகும். ஆனால் பி விசா வைத்திருப்பவர்கள் ஒரே நேரத்தில் 6 மாதங்களுக்கு மேல் அமெரிக்காவில் தங்க அனுமதிக்கப்படுவதில்லை. ஒரு வெளிநாட்டவர், அமெரிக்க குடிமகன் அல்லது நிரந்தர குடியிருப்பாளரை திருமணம் செய்த பிறகு பி-1 அல்லது பி-2 விசாவை கிரீன் கார்டாக மாற்ற விரும்பினால், பொதுவாக ஒரு குறிப்பிட்ட காலத்திற்குப் பிறகுதான் அதைச் செய்ய அனுமதிக்கப்படுவார்கள். (இது பற்றி மேலும் கீழே பார்க்கலாம்).

பி-1 மற்றும் பி-2 விசாக்களிலிருந்து திருமணத்தின் மூலம் கிரீன் கார்டு பெறுவதற்கான வழியை விளக்க, முதலில் ஒவ்வொரு விசாவும் என்னவென்று புரிந்து கொள்ள வேண்டும்.
பி-1 விசா குறிப்பாக தற்காலிக வணிக விஷயங்களுக்காக அமெரிக்காவுக்கு பயணிக்க வேண்டிய நபர்களுக்காக வடிவமைக்கப்பட்டுள்ளது. இதில் பின்வருவன அடங்கும்:
* விரிவுரை கொடுக்கும் பயிற்சியாளர்கள் அல்லது சிறப்பு நிகழ்வில் பேச அழைக்கப்படும் முக்கிய பேச்சாளர்கள்.
* அமெரிக்காவில் உள்ள தங்கள் நிறுவனத்தில் பயிற்சி பெறும் சர்வதேச ஊழியர்கள்.
* ஒப்பந்த விதிமுறைகளை பேச்சுவார்த்தை நடத்தும் வணிக வல்லுநர்கள்.
* 6 மாதங்களுக்குள் முடிக்க வேண்டிய வணிக விஷயங்களுக்காக அடிக்கடி அமெரிக்காவுக்கு செல்ல வேண்டிய மற்ற நபர்கள்.

பி-2 விசா சுற்றுலா நோக்கங்களுக்காக அமெரிக்காவுக்கு பயணம் செய்யும் நபர்களுக்கானது. இந்த விசா பொதுவாக சர்வதேச காதல் ஜோடிகளால் 6 மாதங்கள் வரை குறுகிய கால பயணங்களுக்கு பயன்படுத்தப்படுகிறது.

பி-1/பி-2 விசாவை திருமண கிரீன் கார்டாக மாற்றுவதற்கான வழிமுறைகள்
பி விசா-விலிருந்து திருமண கிரீன் கார்டுக்கு மாற பின்வரும் வழிமுறைகளை பயன்படுத்தவும்:
1. பி-1 அல்லது பி-2 விசாவைப் பெற்று, அனைத்து விசா தேவைகளையும் பின்பற்றி உங்கள் விசா நிலையை பராமரிக்கவும், குறிப்பாக 90 நாள் விதி.
2. அமெரிக்க குடிமகன் அல்லது நிரந்தர குடியிருப்பாளரை திருமணம் செய்து கொள்ளுங்கள்.
3. திருமணத்தின் மூலம் கிரீன் கார்டுக்கு விண்ணப்பிக்கவும்.
4. கிரீன் கார்டு கிடைக்கும் வரை காத்திருக்கவும்.
பி-1 அல்லது பி-2 விசா-வை திருமண கிரீன் கார்டாக மாற்றுவதற்கான விரிவான வழிமுறைகளை இந்த கட்டுரையில் உள்ள இணைப்புகளில் காணலாம்.
(மேலே உள்ள செய்திக்குறிப்பு VMPL ஆல் வழங்கப்பட்டது. இதன் உள்ளடக்கத்திற்கும் ANI-க்கும், எங்களுக்கும் எந்த வகையிலும் பொறுப்பாகாது)