அமெரிக்காவில் பிராமண அகதிகளுக்கும் அடைக்கலம் கொடுக்க டிரம்ப் முடிவு!

தென்னாப்பிரிக்க வெள்ளையின மக்களை போன்று பிராமண அகதிகளுக்கும் அமெரிக்காவில் அடைக்கலம் கொடுக்க அதிபர் டொனால்ட் டிரம்ப் விருப்பம் தெரிவித்துள்ளார்.

Donald Trump Grant Asylum Brahmin Refugees in USA: தென்னாப்பிரிக்க அதிபர் சிரில் ராமபோசா சில நாட்களுக்கு முன்பு அமெரிக்காவுக்கு அரசுமுறை பயணம் மேற்கொண்டு அதிபர் டொனால்ட் டிரம்பை சந்தித்து பேசினார். பின்பு இருவரும் செய்தியாளர்களை சந்தித்தனர். அப்போது டிரம்ப்''தென்னாப்பிரிக்காவில் வெள்ளையின மக்கள், விவசாயிகள் கொல்லப்படுகின்றனர்'' என்று தென்னாப்பிரிக்க அதிபர் முன்பு நேரடியாக சொன்னார். 

இதற்கு தென்னாப்பிரிக்க அதிபர் சிரில் ராமபோசா, ''தென்னாப்பிரிக்காவில் அதிகமாக உயிரிழப்பது கறுப்பின மக்கள் தான்'' என்றார். பின்பு இருவருக்கும் இடையே ஏற்பட்ட விவாதம் சமூகவவலைத்தளத்தில் வைரலானது.

தென்னாப்பிரிக்க வெள்ளையின மக்களை வரவேற்கும் டிரம்ப்

இதனைத் தொடர்ந்து தென்னாப்பிரிக்காவில் உள்ள வெள்ளையின மக்கள் அமெரிக்காவில் வந்து குடியுரிமை பெறும் வகையில் மீள்குடியேற்றத் திட்டத்தை டிரம்ப் அறிவித்தார். இது குறித்து விளக்கம் அளித்த டிரம்ப், ''தென்னாப்பிரிக்காவில் வெள்ளை விவசாயிகள் கொடூரமாகக் கொல்லப்படுகிறார்கள், நிலம் பறிமுதல் செய்யப்படுகிறது. அவர்கள் ஒரு இனப்படுகொலையால் பாதிக்கப்பட்டவர்கள். அமெரிக்கா அந்தக் குழுவிற்கு குடியுரிமை வழங்கும்'' என்று தெரிவித்தார்.

பிராமண அகதிகளையும் வரவேற்கும் டிரம்ப்

இந்நிலையில், தென்னாப்பிரிக்காவில் உள்ள வெள்ளையின மக்களை அமெரிக்காவுக்கு வரவேற்றதை போன்று தென்னாப்பிரிக்காவில் இடஒதுக்கீடு போன்றவற்றின் மூலம் சாதி அடிப்படையில் பாகுபாடு காட்டப்படும் பிராமண அகதிகளையும் டொனால்ட் டிரம்ப் வரவேற்றுள்ளார். "நான் என் பிராமணர்களை நேசிக்கிறேன். 

நம்பமுடியாத மக்கள் என்று நான் உங்களுக்குச் சொல்கிறேன். அவர்கள் தங்கள் மீது அணியும் சரம், அதை விரும்புகிறேன். முற்றிலும் சரியானது. நானும் அதை அணிய விரும்புகிறேன்" என்று டிரம்ப் ட்வீட் செய்துள்ளார்.

தெற்காசியாவில் பிராணர்களுக்கு எதிர்ப்பு

"தெற்காசியாவில் இந்து பிராமண இனப்படுகொலையைப் போலவே தென்னாப்பிரிக்காவில் வெள்ளையர்கள் ஒரு இனப்படுகொலையை எதிர்கொள்கிறார்கள். டிரம்ப் அப்பா எப்போதும் எங்களை கவனித்துக்கொள்கிறார்" என்று இந்து அமெரிக்க அறக்கட்டளையின் தலைவர் அமித் சக்ரவர்த்தி தெரிவித்துள்ளார். 

தென்னாப்பிரிக்கா அதன் பல்வேறு இனக்குழுக்களிடையே நில உடைமைகளை சமப்படுத்த வன்முறை கிளர்ச்சி இல்லாமல் அதன் நிறவெறிக்குப் பிந்தைய பொருளாதாரத்தை சமநிலைப்படுத்த முயற்சிக்கும்போது, ​​டிரம்பின் திட்டம் எலோன் மஸ்க் போன்ற ஒடுக்கப்பட்ட வெள்ளை ஆப்பிரிக்கர்கள் நட்பற்ற அரசியல் சூழ்நிலையில் பாதுகாப்பாக அடைக்கலம் தேட அனுமதிக்கிறது.

ஒடுக்கப்படும் பிராமணர்கள்

''பிராமணர்களான எங்களைப் போலவே வெள்ளை தென்னாப்பிரிக்கர்கள் ஒடுக்கப்படுகிறார்கள். இடஒதுக்கீட்டை அவர்கள் என்ன செய்கிறார்கள் என்று பாருங்கள். கடவுள் கொடுத்த உரிமையை அவர்கள் பறிக்கிறார்கள். நாங்கள் இல்லையென்றால் அவர்களை யார் வழிநடத்துவார்கள்" என்று பிராமணர்கள் யுனைட்டின் தலைமை நிர்வாக அதிகாரி ரோஹித் மிஸ்ரா தெரிவித்துள்ளார்.