☰
பாங்காக்கில் (Bangkok) 7.7 ரிக்டர் அளவில் நிலநடுக்கம் ஏற்பட்டது. இதில் ஒரு பெரிய கட்டிடம் இடிந்து விழுந்தது. மியான்மரிலும் (Myanmar) பாதிப்பு, பாங்காக்கில் அவசர நிலை பிரகடனம் வெளியிடப்பட்டுள்ளது.
Myanmar, Bangkok Earthquake: மியான்மர், தாய்லாந்து தலைநகர் பாங்காக்கில் இன்று ஏற்பட்ட நிலநடுக்கத்திற்கு இதுவரை186 பேர் பலியாகி இருப்பது தெரிய வந்துள்ளது. 800 பேர் காயமடைந்துள்ளனர். பாங்காக்கில் பலர் இடுபாடுகளில் சிக்கிக் கொண்டுள்ளனர். இவர்களை மீட்கும் பணி துரிதமாக நடந்து வருகிறது. தொடர்ந்து மேலும் நிலநடுக்கம் ஏற்படுமோ என்ற அச்சத்தில் மக்கள் உறைந்துள்ளனர்.
பாங்காக் (Bangkok) மற்றும் மியான்மரில் (Myanmar) திங்களன்று ஏற்பட்ட பயங்கர நிலநடுக்கம் (Earthquake) பெரும் சேதத்தை ஏற்படுத்தியது. ரிக்டர் அளவுகோலில் 7.7 ஆக பதிவான இந்த நிலநடுக்கம் மியான்மரில் மையம் கொண்டிருந்தாலும், இதன் அதிர்வுகள் தாய்லாந்தின் (Thailand) தலைநகர் பாங்காக் வரை உணரப்பட்டன. நிலநடுக்கத்தின் ஆழம் வெறும் 10 கி.மீ ஆக இருந்ததால், அதிர்வுகள் மிகவும் தீவிரமாக இருந்தன.
கட்டிடங்கள் இடிந்து விழுந்தது
பாங்காக்கின் பிரபலமான சாட்டுசக் சந்தை (Chatuchak Market) அருகே கட்டப்பட்டு வந்த ஒரு பெரிய கட்டிடம் இந்த நிலநடுக்கத்தால் இடிந்து விழுந்தது. இந்த விபத்தில் 43 தொழிலாளர்கள் இடிபாடுகளில் சிக்கினர். மீட்புக் குழுவினர் சம்பவ இடத்திற்கு விரைந்து சென்று மீட்புப் பணியில் ஈடுபட்டுள்ளனர்.
பீதியில் வெளியேறிய மக்கள்
நிலநடுக்கத்தைத் தொடர்ந்து பாங்காக்கில் உள்ள உயரமான கட்டிடங்களில் அலாரம் ஒலித்தது, இதனால் ஆயிரக்கணக்கான மக்கள் பீதியடைந்து தெருக்களில் தஞ்சமடைந்தனர். மக்கள் பாதுகாப்பான இடங்களைத் தேடி திறந்தவெளிகளில் குவிந்தனர்.
பாங்காக்கில் அவசர நிலை பிரகடனம்
நிலநடுக்கத்தின் தாக்கத்தை கருத்தில் கொண்டு, பாங்காக் நிர்வாகம் அவசர நிலையை (State of Emergency) அறிவித்துள்ளது. நிவாரணம் மற்றும் மீட்புப் பணிகளை விரைவுபடுத்த அரசு உத்தரவிட்டுள்ளது.
நிலநடுக்கத்திற்குப் பின் அதிர்வுகள்
முதல் நிலநடுக்கத்திற்கு சில மணி நேரங்களிலேயே 6.4 ரிக்டர் அளவில் பின் அதிர்வு (Aftershock) ஏற்பட்டது, இது மக்களிடையே பீதியை மேலும் அதிகரித்தது.
மியான்மரிலும் பாதிப்பு
நிலநடுக்கத்தின் மையம் மியான்மர் என்பதால், அங்கு பெரும் சேதம் ஏற்பட்டது. மாண்டலேயில் (Mandalay) பல கட்டிடங்கள் இடிந்து விழுந்தன, அதே நேரத்தில் டவுன்ஜியின் (Taunggyi) அருகே இருந்த ஒரு பழங்கால மடாலயமும் சேதமடைந்தது.
உயரமான கட்டிடங்களில் இருந்து தண்ணீர் கொட்டியது
பாங்காக்கில் உள்ள உயரமான கட்டிடங்களின் கூரைகளில் கட்டப்பட்டிருந்த நீச்சல் குளங்களில் இருந்து தண்ணீர் வெளியேறி கீழே கொட்டியது, இது நிலநடுக்கத்தின் தீவிரத்தை எடுத்துக்காட்டுகிறது.
பங்குச் சந்தையில் பரபரப்பு, வர்த்தகம் நிறுத்தம்
பாங்காக் பங்குச் சந்தை (Bangkok Stock Exchange) பாதுகாப்பு காரணங்களுக்காக தற்காலிகமாக வர்த்தகத்தை நிறுத்தியது. சந்தையில் நிலவிய நிச்சயமற்ற தன்மை காரணமாக முதலீட்டாளர்கள் மத்தியில் பதற்றம் காணப்பட்டது.
சுனாமிக்கு வாய்ப்பில்லை
இந்த நிலநடுக்கத்தால் சுனாமி (Tsunami) ஆபத்து இல்லை என்று தாய்லாந்து மற்றும் மியான்மர் அதிகாரிகள் உறுதிப்படுத்தியுள்ளனர், இருப்பினும் மக்கள் விழிப்புடன் இருக்குமாறு கேட்டுக் கொள்ளப்பட்டுள்ளனர்.
உதவி செய்ய இந்தியா முன்வந்தது
இந்தியா (India) தாய்லாந்து மற்றும் மியான்மருக்கு உதவி செய்ய முன்வந்துள்ளது. இந்திய அரசு நிவாரணப் பணிகளில் அனைத்து உதவிகளையும் வழங்க உறுதியளித்துள்ளது.
அன்று மியான்மரில் என்ன நடந்தது?
மியான்மரில் 1930 மற்றும் 1956 க்கு இடையில் நாட்டின் வடக்கிலிருந்து தெற்கே பாயும் சகாயிங் ஃபால்ட் அருகே 7.0 அல்லது அதற்கு மேற்பட்ட ரிக்டர் அளவிலான ஆறு வலுவான நிலநடுக்கங்கள் ஏற்பட்டன. பாலங்கள் மற்றும் கட்டிடங்கள் இடிந்து விழுந்தன. நூற்றுக்கணக்கான அடி உயரத்தில் இருந்து தரையில் விழுந்தது பல கட்டிடங்கள். மத்திய மியான்மரில் ஏற்பட்ட 7.7 ரிக்டர் அளவிலான நிலநடுக்கத்தைத் தொடர்ந்து வடக்கு பாங்காக் மற்றும் தென்மேற்கு சீனாவில் நிலநடுக்கம் ஏற்பட்டது.
பதற வைக்கும் நிகழ்வு
இன்று (வெள்ளிக்கிழமை) மதியம் 12.50 மணிக்கு மியான்மரின் சகாயிங் நகரத்திலிருந்து 18 கி.மீ தொலைவில் நிலநடுக்கம் ஏற்பட்டது. வங்காளத்தின் கொல்கத்தா மற்றும் மணிப்பூரின் சில பகுதிகளிலும், பங்களாதேஷின் டாக்கா மற்றும் சட்டோகிராமிலும் லேசான நிலநடுக்கங்கள் பதிவாகியுள்ளதாக செய்தி நிறுவனம் PTI தெரிவித்துள்ளது. பாங்காக்கிலும், மியான்மரிலும் ஏற்பட்ட தாக்கத்தைக் காட்டும் வீடியோக்கள் மற்றும் புகைப்படங்கள் சோசியல் மீடியாவில் வெளியாகியது.
மியான்மர், பாங்காக் வீடியோக்கள் வைரல்
அந்த ஒரு வீடியோவில், வானளாவிய கட்டிடம் முழுவதுமாக இடிந்து விழுந்ததைக் காட்டியது. அந்த சம்பவத்தில் 43 பேர் வரை காணாமல் போயுள்ளதாக நம்பப்படுகிறது. மியான்மரிலிருந்து, ஒரு வீடியோவில், மண்டலேயில் உள்ள இரண்டு மாடி குடியிருப்பு கட்டிடம் பகுதியளவு இடிந்து விழுந்ததைக் காட்டியது. இர்ராவதி நதியின் மீது இருந்த ஒரு பழைய பாலமும் இடிந்து விழுந்ததாக தகவல்கள் வந்துள்ளன. மேற்கண்ட இரண்டு நிலநடுக்கங்களையும் சேர்த்து குறைந்தது 186 பேர் உயிரிழந்திருக்கலாம் என்று தகவல் வெளியாகி உள்ளது.
ஆறு வலுவான நிலநடுக்கங்கள்
பூகம்பம் ஏற்பட்டபோது AFP பத்திரிகையாளர்கள் குழு நய்பிடாவில் உள்ள தேசிய அருங்காட்சியகத்தில் இருந்தது. கட்டிடம் நடுங்கத் தொடங்கியது. சீருடை அணிந்த ஊழியர்கள் வெளியே ஓடியபோது கூரையிலிருந்து துண்டுகள் விழுந்தன, சுவர்கள் விரிசல் அடைந்தது. சிலர் அழுது குடும்பத்தினரை தொடர்பு கொள்ள முயன்றனர். மியான்மரில் பூகம்பங்கள் ஒப்பீட்டளவில் பொதுவானவையாக உள்ளது. அங்கு 1930 மற்றும் 1956 க்கு இடையில் 7.0 ரிக்டர் அளவு அல்லது அதற்கு மேற்பட்ட ஆறு வலுவான நிலநடுக்கங்கள் நாடு முழுவதும் வடக்கிலிருந்து தெற்காக ஓடும் சாகைங் ஃபால்ட் அருகே ஏற்பட்டன.
தாய்லாந்திலும் நிலநடுக்கம்
மியான்மரை தொடர்ச்சியாக இரண்டு நிலநடுக்கங்கள் உலுக்கியதாக அமெரிக்க புவியியல் ஆய்வு மையம் (USGS) தெரிவித்துள்ளது. அவை ரிக்டர் அளவுகோலில் 7.7 மற்றும் 6.4 ஆக பதிவாகியுள்ளன. மோனிவா நகரிலிருந்து கிழக்கே கிட்டத்தட்ட 50 கிலோமீட்டர் தொலைவில் உள்ள மத்திய மியான்மரில் இந்த நிலநடுக்கத்தின் மையம் இருந்ததாக தெரிவிக்கப்பட்டுள்ளது. மியான்மரின் மண்டலேயில் உள்ள புகழ்பெற்ற அவா பாலம் நிலநடுக்கத்தில் இடிந்து விழுந்தது. தாய்லாந்தின் பல பகுதிகளிலும் நிலநடுக்கம் உணரப்பட்டது.
மியான்மரில் 7.7 ரிக்டர் அளவில் நிலநடுக்கம், பாங்காக் வரை பாதிப்பு
சேனலை கிளிக் செய்து பின்தொடரவும்