
சென்னையில் செய்தியாளர்களைச் சந்தித்த திமுக தலைவர் மு.க.ஸ்டாலின், காவிரி நீர் மற்றும் அணை கட்டும் விவகாரத்தில் அனைத்துக் கட்சிக் கூட்டம் நடத்த வலியுறுத்தியுள்ளதாகத் தெரிவித்தார். இந்த விவகாரத்தில் முதலமைச்சர் விஜய் மௌனம் காப்பது குறித்து செய்தியாளர்கள் எழுப்பிய கேள்விக்குப் பதிலளித்த அவர், "அவருக்கு இதைப் பற்றி ஒன்றும் தெரியாது, அதனால் கண்டுகொள்ளாமல் இருக்கிறார்; நீங்கள்தான் அவரிடம் சென்று கேட்க வேண்டும்" என விமர்சித்தார். மேலும், சோனியா காந்தியின் புத்தக வெளியீட்டு விழா அழைப்பு தொடர்பான கேள்விக்கு, தனது உதவியாளர் மூலம் தொலைபேசியில் தொடர்பு கொள்ளப்பட்டதாகவும், அதன் அடிப்படையில் தாம் வாழ்த்து அனுப்பியுள்ளதாகவும் மு.க.ஸ்டாலின் விளக்கமளித்தார்.