வதானேஸ்வரர் கோவிலில் புதிய வெள்ளி ரிஷப வாகன வெள்ளோட்டம் - தர்மபுர ஆதீனம் தொடங்கி வைத்தார் !

மயிலாடுதுறையில் தர்மபுர ஆதீனத்தின் நிர்வாகத்தில் இயங்கி வரும் ஸ்ரீ வதானேஸ்வரர் திருக்கோவிலுக்கு, சுமார் 45 கிலோ எடையில், ₹1 கோடி மதிப்பிலான புதிய வெள்ளி ரிஷப வாகனம் அன்பர்கள் மற்றும் சிவஸ்ரீ பாலச்சந்திர சிவாச்சாரியார் உபயமாக செய்யப்பட்டது. வரவிருக்கும் ஐப்பசி மாத துலா உற்சவத்தை முன்னிட்டு, தர்மபுர ஆதீனத்தின் 27-வது குருமகா சந்நிதானம் அவர்கள் இந்த புதிய வெள்ளி ரிஷப வாகனத்தின் வெள்ளோட்டத்தை கொடியசைத்து முறைப்படி தொடங்கி வைத்தார். வரும் துலா உற்சவத்தில் ஞானாம்பிகை சமேத வதானேஸ்வரர் சுவாமி இந்த புதிய வெள்ளி ரிஷப வாகனத்தில் எழுந்தருளி பக்தர்களுக்கு அருள் பாலிக்க உள்ளார்.